حياة الفهد

البارت الثاني عشر

بعد وقت من الليل فهد كان نايم وفجأة بدأ يخرف بالكلام
فهد بصوت متقطع: ماما متسبنيش لا ماما حد يلحقها ماما ماما ماما
حياة فاقت من نومها شافت فهد عرقان وعمال يخرف بالكلام معرفتش تصحيه
حياة اخدته ف حضنها وفضلت تهدي فيه لحد هدي ورجع تاني نوم ونامت هيا كمان
تاني يوم الصبح
فهد فاق الاول لقي نفسه ف حضن حياة وحضناه كأنه طفل فضل يتأمل فيها وملامحها الجميله فجأة حس انها بدأت تفوق رجع تاني عمل نفسه ان لسه نايم حياة فاقت فضلت تتأمل هيا كمان ف ملامحه
حياة: هو ف قمر كدا رموشه الحلوة وشعره وكله ع بعضه قمر حتي عضلاته انما اما بيتعصب بيبقي وحش
فجأة فهد سمعها وابتسم
حياة: حتي وهو نايم ضحكته ال بتبين غمزاته زي القمر
وبعدين استوعبت وقالت: ايه دا هو نايم ازاي وبيضحك معقوله صاحي لا لا اكيد نايم
فهد ضحك وصحي ع كلامها حياة اتكسفت وهما لسه حضنين بعض
حياة بخجل: هو انت صحيت امتا
فهد بضحكة: من شويه
حياة: سمعت حاجه
فهد بضحكه اكبر بين غمزاته: حاجه ايه
حياة تاهت ف غمزاته القمر
فهد: للدرجادي غمزاتي حلوين كدا
حياة فاقت واستوعبت انه ف حضنها: احم انا لازم اقوم
فهد فهم انها بتحاول تتهرب منها سابها مشت حياة راحت تتوضي وفهد قام واتوضي وصلي بيها زي ما اتفقوا بعد كدا نزلوا تحت
الجد: صباح الخير ع العرسان
فهد وحياة: صباح النور ياجدو
وقعدوا يفطروا فهد الفون بتاعه رن طلع يرد عليه
الجد: حياة يابنتي انتي هتعملي ايه ف كليتك
حياة: مش عارفه والله لسه
مصطفي: هو انتي ف كليه ايه اصلا
حياة: انا داخله 3 طب
مصطفي: بجد احنا زمايل بقي انا كمان داخل 3 طب
حياة: واو دي حاجه حلوة جدا هنفيد بعض بقي ولا ايه
ضحكوا كلهم ف الوقت دا فهد دخل
فهد: جدي انا لازم اسافر مصر بكره
الجد: ربنا معاك ياولدي بس هترجع امتا
فهد: هو بصراحه انا رايح مش زي كل مرة المرادي هطول شويه لان همسك قضية وهقعد فترة
حياة بتردد: يعني هطول هناك
فهد: للاسف فهضطر ان انقل حياتي هناك الفترة دي ع الاقل
الجد: طب كويس وخد حياة معاك لان الكلية هتبدأ الاسبوع الجاي ومينفعش ننقل ورقها اهنيه انت عارف
مصطفي: اه صح وانا كمان هنقل ورقي مصر التعليم هناك احسن من اهنيه وهو بالمرة نكون انا وحياة ف نفس الجامعه
فهد بغيرة: تبجي مع مين عاد انت هتفضل اهنيه مفيش مرواح
مصطفي بزعل طفولي: يصح ياجدي والله ماينفع ابدأ دا حتي عيب يابلد
الجد: خلاص عاد متعملش زي العيال الصغيره خلاص يافهد انقل ورقه مصر وهو يكون معاك
فهد بتوعد لمصطفي: حاضر ياجدي عيوني لدكتور مصطفي
حياة: طب هو سفرك امتا
فهد: بكره هنمشي ان شاء الله
مصطفي بسرعه وهو بيقوم: واه الحق اجهز حاجاتي بجي سلام
كلهم ضحكوا ع هبله واليوم مشي عادي
بعد وقت متأخر من الليل حياة ف البلكونه وكانت سرحانه وفرحانه فجأة جه فهد
فهد: هو القمر سهران ليه لحد الوقتي
حياة بخضه: ياعم قول احم حتي خضتني
فهد: سلامتك من الخضة مالك سرحانه ف ايه
حياة: معقوله هرجع بكره مصر واعيش حياتي الطبيعية من غير هروب من حد
فهد: عند شك ف كدا
حياة بسرعه: فهد هو احنا هنقعد فين اصلا يعني مش عايزة ارجع تاني البيت
فهد: لا ياستي انا عندي الفيلا بتاعتي هنقعد فيها
حياة بصالحه وفاتحه بقوها
فهد: استر يارب ف ايه مالك بتتحولي
حياة بضحك: هنأجر شقة مش كدا
فهد بعدم فهم: لا
حياة بضحك: ماهو مش معقوله هتعرف تشتري شقه النهاردة واحنا مسافرين بكره اه هنقعد ف اوتيل لحد ماتشتريها صح
فهد بضحك ع هبلها: انتي ياهبله مسمعتيش بقولك هنقهد ف الفيلا بتاعتي ف ايه
حياة: انت عندك فيلا
فهد: ايه مستغربه ليه
حياة: لا مش مستغربه انا مش فاهمه ازاي
فهد: يابنتي انتي نسيتي انا مين انا
حياة واقفته وقلدته: انا النقيب فهد المنياوي
فضلوا يضحكوا هما الاتنين وبعدين راحوا ناموا وطبعا حياة ف طرف السرير وفهد ف الطرف التاني بعد وقت من الليل فهد وهو نايم بيقول بصوت متقطع
فهد: ماما متسبنيش لا ماما حد يجي ماما ماما لا متسبينيش حد يجي ينقذها انا معاكي ماما ماما ماما ماما
حياة فاقت فضلت تصحي فيه بس مفيش اي استجابه وفهد مازال بينادي ماما ماما حياة اخدته ف حضنها زي الطفل لحد ماهدي ونام وهيا كمان نامت
تاني يوم الفجر
فهد صحي الاول كالعادة قبلها وفضل يتأمل فيها حس ان حياة فاقت فضل باصص لها
حياة بنعاس: صباح الخير
فهد بإبتسامه بينت غمزاته: صباح القمر
حياة تاهت ف غمزاته
فهد: هتفضلي سرحانه فيهم كتير كدا
حياة: وانت هتفضل باصصلي كدا كتير
فهد بيرفع حاجبه: هو انا هنام كل ليله ف امان الله اصحي القيكي بستفردي بيا هو انا مز للدرجادي
حياة ضربته ف كتفه: نينيني قوم يلا
وقاموا صلوا ر ونزلوا العربيه واستنوا مصطفي
حياة بتردد: فهد هو انا ممكن اسألك سؤال
فهد: اسألي
حياة: هو......