حياة الفهد

البارت الرابع عشر

فجأة الباب خبط وكان مصطفي
مصطفي: انا اسف والله شكلي جيت ف وقت مش مناسب
حياة اتكسفت ودخلت الحمام
فهد بغضب: اقسم بالله شكلي هرجعك تاني الصعيد عايز ايه
مصطفي بضحك: واحد صاحبك تحت وعايزك يعم
فهد بإستغراب: صاحبي مين متعرفش اسمه
مصطفي: مش عارف تقريبا رامي
فهد: اه صح طب روح وانا جاي وراك
مصطفي بغمزة: طب ماتيجي معايا احلي
فهد ضرب فيه المخدة ومصطفي نزل هو حياة كانت خرجت من الحمام ولبسه دريس قط طويل وكانت عمله شعرها فورمة ونازل منه بعض الخصل فهد فضل متنح لها من جمالها
حياة: ايه مش هتنزل لصاحبك
فهد: ها لا نازل اهو
نزل فهد ونزلت بعده بشويه حياة وقدمت لهم ضيافه وبعدين طلعت ع اوضتها
رامي: ايه يابني دا معقول تتجوز ومعرفش طب حتي عيب
فهد: والله الامور جت فجأة كدا حتي معملناش فرح
رامي: امم طب بقولك هنعمل ايه ف قضية حازم الدالي انت عارف ان القضيه دي صعبه ومحتاجه مجهود مننا عالي
فهد: مفيش حاجه صعبه كله هيتحل ان شاء الله
رامي: ان شاء الله ياصاحبي يلا اسيبك انا بقي
فهد: ماتقعد يابني
رامي: لا يعم يلا سلام
ومشي رامي وبعدين راح ع المكتب فضل يشتغل شويه لوقت متأخر وبعدين طلع لحياة الاوضه
ف مكان ما
الشخص الاول: ايوة ياباشا وصل امبارح ومعاه مراته
الشخص التاني: ايوة كدا هو دا جايب نقطه ضعفه لحد عندنا كدا هنعرف ننفذ خطتنا
الشخص الاول: بس متنساش انك بتلعب مع النقيب فهد المنياوي ال مفيش قضيه بتقع تحت ايده الا لما يكون مخلصها بنجاح ومحدش بيعرف يفلت من تحت ايده
الشخص التاني: ايه ياجيجي انتي مفكراني بخاف ولو هخاف هخاف من حتت عيل كان غيره اشطر
جيجي: مش كدا بس انا بنبهك عشان تاخد حذرك بس ياحزومي
حازم: هههههه متخافيش عليا محدش يقدر يقرب ليا
وضكوا ضحكه شر
ف فيلا فهد
فهد خلاص كان هنج من الشغل وطلع عشان ينام كانت حياة لسه صاحية
فهد: صاحية لحد الوقتي ليه ف حاجه
حياة: لا مفيش انا بس كنت مستنياك
فهد دخل الحمام غير وبعدين خرج عشان ينام فهد راح ع طرف السرير وحياة ع الطرف التاني
حياة بتردد: فهد هو انت لسه صاحي
فهد: اه
حياة: طب ممكن نقوم عايزة اتكلم معاك ف موضوع
فهد قام قعد: خير ف حاجه
حياة بتردد: بصراحه عايزة اسألك هيا مامتك ماتت ازاي
فهد بضيق وحزن ودموع: ف يوم كنت بزن ع ماما عشان توديني الملاهي بابا وقتها كان ف الشغل هو وعمي وجدي مكنش قادر وماما يومها راحت معايا ورحنا واتبسط جامد بس واحنا راجعين طلعت اجري منها وفضلت العب معاها وفجأة وهيا بتجري ورايا اتكعبلت ف طوبه كبيرة ووقعت ف الميه مكنتش بعرف لسه اعوم لان كنت صغير وهيا مكنتش بتعرف وقتها مكنش ف حد موجود يساعدنا فضلت اقولها متسبينيش ياماما وانادي عليها بس هيا عملت ايه راحت وسبتني يارتها كانت اخدتني معاها
فهد فضل يعيط جامد وهو بيتكلم حياة اخدته ف حضنها وفضلت تهدي فيه لحد ماهدي خلاص وخرج من حضنها
فهد بإستغراب: بس بتسألي ليه
حياة بتردد: هو بصراحه انت كل ليله بيجيلك كابوس وتفضل تنادي ماما وتقول كلام مش مفهوم
فهد: عشان كدا بتحضنيني لحد ماهدي ونام
حياة بكسوف: بصراحه اه
فهد ابتسم لها
حياة اتكسفت منه وراحت تنام
فهد بسرعه: حياة ممكن طلب
حياة: اه طبعا
فهد بحنان ممزوج بحزن: ممكن انام ف حضنك لان بصراحه بحس ان امي ال بتحضني ووقتها بحس بس بالامان
حياة بكسوف اكتر: اكيد
فتحتله ايديها ونام ف حضنها حياة فضلت تلعب ف شعره لحد مانام وهيا كمان نامت.....