حياة الفهد

البارت الثالث عشر

حياة بتردد: هو بصراحه..
فجأة جه مصطفي
مصطفي: اسف ياجماعه والله عن التأخير
فهد: والله من امتا اصلا بتيجي بدري
حياة بإستغراب: ايه دا انت بتتكلم مصري زينا
مصطفي بضحك: اه ياستي البركة ف حضرت النقيب فهد
فهد بغرور: مبحبش اشكر ف نفسي كتير
وضحكوا
فهد: اه صح كنتي عايزة تسألي حاجه
حياة بتردد: ها لا انا نسيت اصلا مش مهم
فهد بشك: تمام
وف طريقهم لمصر بعد حوالي 7 ساعات وصلوا للفيلا كانت جميلة جدا وحياة انصدمت لما شافتها نزلت وفضلت متنحه لها
مصطفي: هيا مراتك علقت ولا ايه يابني
فهد: ليه ف ايه
مصطفي شاور له ع حياة ال كانت فتحه بوها وعيونها ع الاخر
فهد بضحك: حياة حياة انتي يابنتي
حياة بخضة: يابني حرام عليك قولتلك قبل كدا قول احم او اعمل صوت حتي
فهد بضحك: والله بقالي ساعه بكلمك وانتي ولا هنا
حياة: ولا حاجه هنفضل كدا مش هندخل
فهد: يلا
ودخلين وهما بيضحكوا ع حياة ال كل ماتشوف مكان تتصدم من شكله اكتر من ال قبله دخلوا وكان موجود بنت بتشغل هناك بس كانت مايعه ف لبسها وتصرفتها
جيجي بدلع: فهد باشا حمدلله ع سلامة حضرتك
فهد: الله ياسلمك ياجيجي ظبطي المكان زي ماقولتلك
جيجي بمياعه: اه عملت كل ال حضرتك طلبته مني بالحرف
حياة بغيظ راحت مسكت ايديها ال بتسلم بيها ع فهد جامد
حياة بابتسامة مصطنعه: شكرا والله ياحبيبتي تعبناكي معانا والله
جيجي بمياعه وهيا بتبص ع فهد: احنا تحت أمر فهد باشا ف ايه حاجه هو يأمر واحنا ننفذ بس
حياة بغيظ ومسكت ايدها جامد اكتر: تمام ياحبيبتي والله شكرا اوي لا تحت امر فهد باشا ولا فهد بيه
جيجي بتبص لها بقرف: وانتي مين انتي مالك
حياة سابتها ومسكت ف ايد فهد وفهد استغرب جدا منها هو مصطفي
حياة بمياعه مصطنعه: انا ابقي مدام حياة مرات فهد باشا ايه لايقين ع بعض صح
جيجي بإبتسامه مصتنعه: لا طبعا لايقين ع بعض اوي
وبعدين بصت لفهد وقالت: ع العموم يافهد باشا لو احتجت اي حاجه انا تحت امرك باي باي وراحت حضنته وباست خده وعلم من الروج بتاعها عليه ومشت
حياة واقفه بصاله ومتعصبه ع اخرها وفهد مستغرب من عصبيتها ال زادت اكتر بص لمصطفي لقاه متنح له
فهد: ف ايه مالكوا
حياة بعصبيه: لو سمحت اوضتي فين
فهد بإستغراب من طريقتها: فوق ع يمين السلم
حياة طلعت وكانت هطق من الغيرة
فهد: هيا مالها اتعصبت اكتر بعد ماجيجي مشت ليه
مصطفي مفيش رد ولسه متنح
فهد: انتي يابني ف ايه
مصطفي: انت وقعتك منيله لما تطلع
فهد بإستغراب: ليه ف ايه
مصطفي اخده للمرايه يشوف الروج ال معلم
فهد: اوبس علقت صح
مصطفي بضحك: مش كدا وبس انا هلحق اتصل بالمطافي عشان لما تتحرق فوق بنار الغيرة
فهد بيلعب ف شعره: ربنا ستر بقي
وطلع فوق كانت حياة خارجه من الحمام وغيرت هدومها وراحت تنام ع السرير
فهد: احم هو انتي هتنامي الوقتي
حياة مفيش رد
فهد قلقان من سكوتها فحب يغظها اكتر عشان تتكلم معاه
فهد: والله كتر خيرها جيجي عملت كل ال طلبته منها وشغلها كويس جدا
حياة قامت متعصبه: متجبش اسم المايعه دي ف بيتي انت فاهم
فهد بإستغراب: انا حر ماهو بيتي انا كمان
حياة بعصبية وبتقرب عليه: لا مش حر انا مراتك ومينفعش تجيب اسم اي بنت تانيه ع لسانك انت فاهم وخصوصا المايعه ال اسمها جيجي دي
فهد بمشاكسه: دي جيجي دي قمر
حياة بعصبية: قمر ف عينك دي مايعه
وبعدين قلدت جيجي: احنا تحت أمر فهد باشا فهد باشا يأمر دي مقرفه
فهد: ايه دا ف ريحه غريبه انتي مش شامه
حياة بتشم: لا ريحه ايه مفيش حاجه
فهد: لا يابنتي ف زي حريق كدا
فهد بغمزة: ايه دا انتي غيرانه منها
حياة: ها انا هغير من السلعه دي ليه او هغير منها ع ايه اصلا
فهد هو بيقرب منها: يعني غيرانه عليا منها
حياة بتردد من قربه: وهغير عليك ليه يعني
فهد حوطها بإيده: مش عارف بس يمكن
حياة وهيا باصه ف عيونه: يمكن
فهد بإبتسامه: يمكن
حياة سرحت ف عيونه وفجأة مصطفي دخل حياة بعدت عن فهد
مصطفي: انا اسف وجاي يخرج
فهد: والله بعد ايه عايز ايه
مصطفي: بصراحه كنت جعان ومش لاقي اكل تحت فقولت اطلب واشوفكوا لو حابين فهد بص لحياة ال كانت هتموت من الكسوف: ايه رأيك نطلب ولا نطلع ناكل بره
حياة: لا انا بصراحه مش قادرة اخرج نطلب احسن
وطلبوا الاكل وخلصوا وفهد راح شغله وخلص ورجع واليوم خلص عادي ومصطفي طلع ينام وكذلك حياة وفهد
زي كل يوم فهد نام ع طرف وحياة ع الطرف التاني حياة متردد تسأله او تروح تحضنه وتنام لحد منامت من كتر التفكير وبعد وقت من الليل فهد بدأ يقول كلام متقطع وخايف زي كل يوم حيا المرادي محولتش انها تصحيه اخدته ف حضنها لحد ماهدي ونام وهيا كمان نامت
تاني يوم الصبح
حياة فاقت قبله وفضلت تلعب ف شعره وتفكر فيه
حياة بتفكير: يتري ايه ال حصل معاك انت ومامتك
قطع تفكيرها
فهد بنعاس وهو ف حضنها: صباح الخير
حياة بإبتسامه: صباح النور
فهد برفع حاجبه: كل يوم استفراد بيا لا كدا كتير وبصوت بنت: يالهوي الناس تقول عليا ايه الوقتي متحرش وحش
حياة بضحك عليه: ايه يابيضه ف ايه متقلقيش انا جوزك يااختي
فضلوا يضحكوا فجأة......