انتقام الضابطة الشيطانة

البارت الاول

هلاو اسمي ليا عمري 26 اصلي من البصره بس حاليا عايشة امريكا اني ضابطة ودكتوره هم عندي اخ اسمه علي واخت اسمه لين ابوية وامي توفو بس حاله قتل لان ابوية جان عقيد بالجيش واني شخصيتي عصبيه كلش مارحم احد حتى من يجبولي مجرم احقق وياهه ميطلع صاحي يلقبوني ب( الشيطانة ) احنه بعد ما اهلي توفو كدام عيوني راسن اخذت علي ولين وطلعنه لامريكا اني كلبي من حجر وقاسي وما احب ابجي كدام احد وماحب اضحك واكره اليحجي هواي وشكلي بيضة وعيوني رصاصي وجسمي رياضي وشعري للنهاية خصري بس اني ما افله اضل مسويته كعكه ولبسي كله بالون الاسود

علي : هلاو اني علي عمري 23 اني اخو ليا اني اشتغل دكتور اختصاص اطفال اني عكس ليا شقاوجي ومرح

لين : هلاو اني لين عمري 20 اني اخت علي وليا واني مرحلة رابعه قسم اداره واقتصاد اني وعلي عكس ليا هم شقاوجية ليا هاده وتكره اليحجي هواي ومن تعصب مترحم احد

طبعن احنه عدنه 3 عمام  وعمه 1

العم الكبير: محسن انسان حباب عمره 62 متزوج وعنده ولد 2 وبنات 1
اولاده :

شاهين ( البطل ): شخص عصبي عمره 30 مامتزوج وهو ضابط وهو شيخ العشيره

حسن : عمره 23 شخص شقاوجي ومرح عكس شاهين وهو مهندس نفط

مريم : عمره 19 مرحله ثالثه صيدلة

بعدين يجي ابوية اسمه محمد ( ابو ليا )

حيدر : انسان حنون ومتواضع عمره 50 عنده متزوج وعنده ولد 1

ولده :
الياس : هلاو اني الياس عمري 30 صديق واخو شاهين اني وياه نفس الشخصية واني هم ضابط

العمه

مها : هلاو اني مها عمري 25 مامتزوجه واني اصير عمتهم الصغيره اني طبعي خجوله وشقاوجية وبسرعه ابجي واني المدلله باخواني واني احبهم كلش واني جنت اكثر شي وية اخوية محمد الله يرحمه وتذيت بغيابه هو وزوجته اطفاله منعرف عنهم شي فص ملح وذاب شكد دورنه عليهم مالكيناهم ابوية تدهورت حالته وتوفه وامي تذت كلش اول شي ابنه وعائلته وبعدين بسبوع ابوية توفه من حزنه على ابنه

ليا : كعدت الصبح الساعه 6:00 العب رياضة وبعدين رجعت اخذت شاور والخدم حضرو الريوك وعلي ولين نزلو

علي ولين : صباح الخير

ليا : بهدوء صباح النور بسرعه تريكو وكل واحد على شغلة واني خلصت ريوك وصعدت بدلت لبست زي العسكري ونزلت ورحت للشغل

هذا البارت التعريف عن الابطال ان شالله تعجبكم القصة لاتنسون لايكاتكمً وكومنتات حلوه مثلكم احبكم سي يوو

الكاتبة : بنان احمد