♡♡#للهو كان فللحب اصبح♡♡
♡♡بقلمي رفل _ امير♡♡
♡♡الحلقة-الاولى♡♡
♡♡♡♡♡♡♡♡♡♡♡♡♡♡♡♡♡♡♡
الرمادي _الساعة الثامنة مساءً ..
..رهفف احچييي اذااا شقةةة لاتشاقييين هيييچ تدرين اتخبل من هالسالفة هاي ..
ابچي واناشغ متندمة على كل شي سويتة بحياتي .. شلون گدرت شلون طاوعتني نفسي وكسرت گلب انقى مخلوق بهالكرة الارضية كلها :-موو شقةةة قائد ساعدنيييي فدوووة والله غلطةة اعتغفف (اعترف) واعظظظم غلطة سويتها بحياتي بس فدوووةة لخاطغ (لخاطر) حبككككك ساعدنيييييي بس هالمغة (هالمرة) واوعدك بعد لاتصل عليك ولا اخليك تتذكغنييييييي.. (تذكرني )
:-ولللچچچچ شلوووون بعد هذذذذذااااا كلللو تالي هيچچچچ تجازززيييين..لچ معقولة انتِ يطلع منچچچ هذا كلو
:-قائد فدووووة ابوووس ايدك ساعدني اعتبغه (اعتبره) اي شي غباء طيش مغاهقة (مراهقة) ايي شيي بسسسس ساعدني ابوييية اذا عغغف (عرف) والله يصيغ (يصير) بي شي .. فدووووة
بخنگة وصوت مبحوح:- ابد ماتوقعت الرخص والانحطاط بيوم یطلع منچ انتِ..
اخذ تنهيدة لو تطلع تحرك الشوراع اللي بين الرمادي والاعظمية :-اسويها انا بس لخاطر اببوجج الي ماريد راسو يتنزل بأخر عمرو صدگي مو لسواد عينچچچ ومن هاللحظة اريد هالرقم تنسيه ولاتشوفيني وجهچچچ ويا حسافة الايام ذنيچ اللي ضاعن وياچ ..
......
بغداد _الاعظمية .. الساعة السادسة مساءً..
.. گعدت من نومي على صوت اشعارات الجهاز .. بين النايمة والگاعدة عطلة نص السنة ونظام نومي كله مخربط .. فتحت الجهاز لگيت رسالة من ايهم كاتبلي بيها ..
(يلا گعدي یحلوه وينچ مشتاقلچ)..
ابتسمت وعدلت گعدتي بعد طارت نومتي مو مال ارجع اكملها..
..رديت عليه (گعدت اني هم مشتاقتلك)سديته وظليت صافنة بحيطان الغرفة ..
.. هذا الوضع شگد راح يستمر ؟ معقولة گدر بأقل من كم اسبوع بأن يحتل گلبي ويخليني احبه.. احس عقلي مشوش وتايه بين اذا کان هذا حب المراهقة او حب من صدگ ..
..شفته مارد گمت من فراشي باوعت لروحي بالمرايا لا زين راجعین خدودي يلعن يوم الامتحانات خلنهم يروحون ..
.. بدلت ملابسي ونزلت جوا مثل كل مرة الگة البيت مهوس واعزله وحدي هو هاي اللي وحدها وعدها بس خوان .. كملت تعزيل البيت...
.. رحت للمطبخ حتى اسوي كيك فرحانة راح يجون بيت عمة اصلهم من بغداد بس مستقرين بدربنديخان.. احبهم وتقريباً هم العائلة الوحيدة اللي احبها من اقارب بابا والباقين ثنينا نكرههم او بالاحرى منحبهم لان ينظرون للبنية نظرة مو منصفة ودائما حاطيها بالرتبة الاخيرة ..
