:- وراها گضبها وگاللها ترحين منين ما اجيتي انتِ وهذا اللي جايبته وياچ وطردها من البيت وهي بس تبچي وتتوسل بأمي تسترها وتخلي يبقيها يمه لچ بحيث تگوللها خليني اصير خدامة اله ولمرته ..
بس هو ما قبل وطردها من البيت وشنو دفرها دفرة وخرها من يم امي گلللها امي اشرف منج وخري لتنگسيها بوساختچ لعب بحالها لعب وطردها من البيت ..
:- وغاحت( وراحت)؟!،.
:- ليش تگدر بعد تبقى
:- والله اخوچ حيجي يوم حيباوع بس هو باقي وحدة بهالدنيا ومحد وياه ..
:- ليش هيچ تحچين عليه يعني شتریدين منه يسوي وهي مچذبة عليه كل هالچذب ياخذها بالاحضان هي وابنها قابل وهو يدري الابن مو ابنه ..
:- يعني من البداية هو يدغي ( يدري) بي مو ابنه وحب يأكد للبيت الابن مو ابنه من خلال تحليل ال D.N.A زين ليش هيچ ضحى بية وعافني اغوح (اروح) وحتى ماكلف نفسه يتمسك بية اذا هو فعلا غايدني ( رايدني) اسأله اگُله مغتك ( مرتك ) شنو يگول مغتي(مرتي) وابني معليچ بيهم وانتِ مو اول من يتزوج غجلها (رجلها) عليها و مو هسة تعغفين(تعرفين) وبكل سهولة يگوللي مغتي(مرتي) وابني خلاني احس على نفسي اني خاغج(خارج) هالدائغة(هالدائرة) وحغام (وحرام) علية اكون وياهم واخغب( واخرب) عليهم حياتهم وشملهم بوجودي .. !
:- اكيد عنده اسبابه احنا منعرف هو شنو اللي يفكر بيه ويجوز چان حاسب احتمال ظنه يخيب ويطلع ابنه من صدُگ وميريد يخلينا نعرف الا يتاكد من الموضوع بنفسه وبعدین یتصرف ویعرفنا ..
:- هذا مو عذغ (عذر) ساغة (سارة) چان لاجابها من الاساس الا يتأكد بنفسه يلا ،، بس گولي هو همه بس نفسه واخغ (واخر) همه احنا تزوجني وغكنني (وركنني) علی الرف وغجع(ورجع) جاب الثانية ويگلك ذيچ مثل ما سكتت لكل اهمالي حتسكت لهاي همين وعباله اني ماگدغ (ماگدر) اتركه او اتخلى عنه واجة وراها (وغاها) ببساطة طغدها(وطردها) من حياته هسة ويغيدني (ویریدني) ارجعله واستقبله بالاحضان كأن ماصار شي بس هالمغرة (هالمرة) غلطان واكبغ (واکبر) غلطان ويشوف..
:- يعني هساع اللي افهمه منچ انتِ مراح ترجعيله ؟
:- قغاغي(قراري) محيتغيغ(محيتغير) احبه اي گلبي يغيدة(يريدة) اي ما اگدغ (ماگدر) بدونه صح بس هذا كله ادوس عليه واعوفه مزاله حيظل هيچ شايفني ولا شي اني الفكغة(الفكرة) الاساسية هي لان هو ميغيدني(ميريدني) بحياته ومعتبغني(ومعتبرني) شي ثانوي بحياته اغيد (اريد) ابتعد ..
:- يعني هذا اخر قرار عندچ ؟!
:- ايي
:- زين عجل الله يوفقچ
:- زعلتي مني ساغة (سارة) ؟؟!!.
:- لا مازعلت عادي ،، والله يوفقچ من بعدة ..
:- تمام تسلمي ويوفقچ ،،
:- مع السلامة..
:- الله وياچ ،،
