♡♡للهو كان فللحب اصبح♡♡
♡♡الحلقة:-الرابعة♡♡
♡♡بقلمي:-رفل_امير♡♡
♡♡♡♡♡♡♡♡♡♡♡♡♡♡♡♡
رهف:-گعدنا بالليل وفتحنا الجالغي البغدادي كرزات وگعدة قفش وحش چانوا البنات يسولفون ومشغلين اغاني يرگصون واني اتراسل وية اياد وصديقتي بالمدرسة ..
.. تعبت من المراسلة فگمت ادز بصمات صوت وبوكتها الماسنجر توة هاااا گامت العالم تستخدمه بس اني چنت جبيرة اخواني واصريت اشتري تلفون رغم معاندة اهلي اللي والتطبيق سويته بدون علمهم لان چنت اعرف كلش زين محيقبلون ..
.. صاحت مريم:-انتِ من دتدزين بصوتچ المطائي للرجال ماخفتي مسامعه تتأذى يابة مو على مسامعه ما گلتي راح يلزگني بلوك ويلعن يومه اللي عرفني بيه ؟
رهف:-مغيم (مریم) انچبي محد طلب عواطفچ تشغليها هسة وبعدين ابو الانه غاضي (راضي) انتِ شكو؟
مريم:-ايي يجوز گوة متحمل حتى لا يتفشل وياچ ميريد يكسر جناحاتچ !
رهف:-لا بالعكس هو انسان صغيح (صريح) وبعدين هو تتأذى مسامعة من يسمع صوتچ !
ملاك:-هيوو انتو الاثنين كاافي عبالك مزعطة انتِ سدي التلفون وگعدي مثل العالم وانتِ سدي لسانچ عبالك لسان دلالة ،،
چننا سادين الباب ومسوين گعدة الثلاثي المرح ومنحس غير مداهمة من قوة الحصن علينا !!
بنان:-شدتسوون انتو هااا ؟
ملاك:-دنلعب ،،،، راسا سكتتها ادري بيها حتچفص بحچاية
رهف:-بنونة حبيبتي بغة (برة) يلا ناس كباغ (کبار) گاعدين وعندما تحضغ (تحضر) الكباغ (الكبار) فلتخغج (فلتخرج) الصغاغ (الصغار)..
بنان :-باوعتلي صفح ولا كأنوا انسان فضائي عايش وياها هم لو مطي حاچي چان عبرته وجاوبته
كملت حجيها:-انتو شوكت تبطلون هاي گعداتكم اريد اگعد وياكم اني مليت من اللعب
مريم:-بنان تطلعين انتِ وقوة الحصن مالتچ لا اهد عليچ زلم الكلفات واخليهم يطلعوچ سحل!!
ملاك:-ياستار ياربي سترك زلم الكلفات هاي بس لا انتِ تطلعين عليها؟
مريم:-جتي تحچي انتبهت ان هي انقصفت باوعت على ملاك بابتسامة
وحچت:-صارلچ ساعة ساكتة من صار بيها قصف شغلتي دوي مدافعچ ؟
ملاك:-دنچبي وعوفوها انتِ وياها ،،بنان طلعي برا وهاج موبايلي لعبي بي وبطلي هاي العادة مال التطفل ،،
اخذت الموبايل منها وهي فرحانة بأبتسامة نصر وحجت قبل لا تطلع:-اني مو قملة اوك !!وراحت تركض ..
رهف:-هههههه لككك خالي هاي شنو صايرين عائلة مدافعجية،،
مريم:-تعدل بياختها :-ايي خاليي حتى تعرفين احنا مو نسوان مدافع ،،
