للهو كان فللحب اصبح

الحلقة الاخيرة

♡♡للهو كان فللحب اصبح♡♡

            ♡♡الحلقة:-الرابعة وثلاثون♡♡

             ♡♡ بقلمي :- رفل - امير ♡♡

♡♡♡♡♡♡♡♡♡♡♡♡♡♡♡♡♡♡♡
.. الورة الظهر يلا وصلوا ظليت اباوع عليهم من المطبخ كلهم جايين خالة ورواد وفؤاد وعمهم ابو محمد ومحمد وايوب وخالة ام محمد الا هو ماكو  من شفته ماكو تلاشت كل ظنوني وافكاري

معقولة هم اللي جوي من ذاتهم وهو ماعندة علم واصلاً اني مبباله ولا مفكر حتى ان يرجع زواجنا اللي انهدم معقولة اني هيچ لهالدرجة عندة رخيصة احس الحرارة والعصبية وصلت الراسي ..

.. من لا وعي لزمت الموبايل ودگيت عليه رن اول مرة ما رد ثاني مرة فتح خط اول مافتحه حچة:-والله عمي زين طلعتي تتذكرين رقم رجلچ عبالي ناسيته انا تدرین موو بس الرقم عبالي ناسية همین انتِ متزوجة ..

.. بس كمل انهديت بيه :- انت على شنو شايف نفسك عبالك اني كاتلة غوحي (روحي) عليك ولا فدوة بس تعال غجعني (رجعني) حياااتي واكفة عليك مو لان ،،،،

عاط بصوت :- رهففففففففف

:- لتاخذني بصوتك وبعصبيتك زين لو لا ،، وغجعة (ورجعة) تحلم اغجعلك (ارجعلك) واغيد (واريد) اشوف شنو حتسوي يلا ولتدل تهدد لان محخاف من تهديداتك ..

:- جربي ماترجعين وياهم وشوفي اللي راح يصير

:- ما اغجع (ما ارجع)

:- طيب ،، عجل انتظري من اطلبچ لبيت الطاعة واسويها محاكم وغصباً ما على راسچ ترجعين ؟؟

:- شنو شحتسوي و ليش ،، اگدغ (اگدر) اگوللهم اني اغيد( اريد) انفصل عنك واكيد هم حيوگفون وياية؟؟؟

جر ضحكة طويلة احسه يلعب بأعصابي بيها وحچة:- والله هواي متأملة بالقضاء انتِ

:- قائد ليش هيچ دتسوي بس اغيد (اريد) افتهم شنو سويتلك اني ؟؟؟؟.

:- رجعي وياهم وابقي فترة واحلفلچ انا ارجعچ بيدي بس المهم ماتكسرين جيتهم الچ وتنزلين راسي ..

:- ومن انت خايف عليهم مچان جيت انتَ وياااهم؟؟؟؟

:- گتلچ انا قبل اذا عدی هاليوم وماگلتيلي حدر اخذني تحلمين بعد اوصللچ وارجعچ ..

:- واذا غجعت (رجعت) شگد وتغجعني (وترجعني) ،،؟؟؟؟

:- ترة ما كاتل روحي عليچ شوكت ماتردين ارجعچ لبيتكم بس المهم عندي من جوي عليچ ماتكسريهم وترجعين ..

:- وراها ننفصل !!،

:- عاد لاترحين زايد ارجعچ اي بس طلاگ تحلمين ..

:- ما اگول غيغ (غير) يا غب (رب)  تشوف نص من العذاب اللي غاويتنياه (راويتنياه) ..

حچاها ببرود مصطنع :- تسلمين