للهو كان فللحب اصبح

الحلقة العاشرة

♡♡للهوِ كان فللحب اصبحَ♡♡

          ♡♡بقلمي:-رفل-امير♡♡

            ♡♡الحلقة:-العاشرة♡♡

♡♡♡♡♡♡♡♡♡♡♡♡♡♡♡♡
-قائد

-صافن والجگارة بأيده وبباله مية الف سؤال واللي متعبه هو ،، ليش هيچ سوت؟ وین رادت توصل ؟ شلون كل هالبراءة تطلع منها كل هذا ؟ شمعنی هاي انخدعت بيها ؟ ..

..اخذ نفس وهو يمسح وجهه :-كااافي انسى انسى ..

فات عليه ايوب:-هاا شلون صرت قائد...
هاي صدگ تحچي عود توك طلعناك من حلگ السبع وتجي هسة حاطلك جگارة وتشرب.

قائد بهدوء:- راسي يوجعني ايوب عندك شي بي حظ احچي ماعندك روح خل انام وراي سفر يادوب الحگ اكمل شغلي باچر

ايوب :-اروح وياك

قائد:-والشغل ياابة؟

ايوب:- عجل منو هناك يمك اذا صار بيك شي شلون ادزك وانتَ بهالحالة هاي؟؟

قائد برود:-وشبية انا؟!

ايوب بانفعال:- لا مابیك خطية.. باوع هي حچاية وانرد غطاها اروح وياك اروح واذا چنك عالشغل موجود نشأت

قائد ماحچة شي گام توجه ينام وهو يريد يزيل عنه التعب كلة والتعب مو بس تعبه كجسد تعب گلبه اللي دمرة واللي چان كفيل بتشكيل ضغط وياه ..

،،نايم بحضن امه الي لابسة ابيض وتباوع لابنها بحيرة والدموع تلالي بعيونها ..

:-شبيك امي ؟

بهدوء:-يمة تعبان

نزلوا دموعها على خدها وهي تذكر جارتها جانت من تريد حاجة تصير تكول يازينب وتدعي الها رفعت ايدها:-يااااا رب عليك بصبر السيدة زينب ان تنزل الصبر على كلب ابني يااارب مثل ما بردت گلبها برد گلب ابني يااا رب حصنتوا بأسمك وبأسم آل بيتك ،،

صحیت من النوم ادحگ حوالية ماكو شي لا امي ولا نايم بحضنها بس ظل دعائها يتردد على بالي وجسمي يقشعر من صرخات امي ..

             ____________
- رهف -

بعدني مكملت وانهفيت بالكوشة على كلمة بچ واكلت المقسوم من الرزالة وصعدت فردت خانتي دادور ملابس الي .. وابحث عالنت اشوف شمنزلين جديد

.. بهالاثناء ودگ موبايلي رقم غريب ..

اترددت افتح خط او لا گلت افتحة وماحچي واشوف ،،فتحته اجاني صوت بنية مو غريب عليه سامعته اطمآنيت من سمعتة بنية رديت :-الو منو؟

:-لچ شبيج اني ملاك

:-هاااا لچ شلونج

:-زينه الحمدلله وانتِ؟

:-تمام ،، لچچچ صدگ سمعتي حيتزوج العينتين ..

:-ايي ادري لجچهو خابرتچ داكُلچ حنجي اليوم عليكم وباچر نروح .