♡♡للهو كان فللحب اصبح♡♡
♡♡ الحلقة:- عشرون♡♡
♡♡بقلمي:-رفل-امير♡♡
فضلا وليس امرا تعليق وتصويت للقصة حتى استمر وياكم بالنشر..
♡♡♡♡♡♡♡♡♡♡♡♡♡♡♡♡♡♡♡
اوف عمري تدري بية چان حيفوتني الدوام وتلاحگتلي اوو رهف بطلي سوالف تعبانة هو انسان چريم وحب يرجعني وياه ويكسب اجر رديت :- طيب لعد عالثنتين حكون جاهزة..
:- ماشي ولبسچ !!!
:- شبيه ؟؟
:- بناطير ماكو لبسي اي شي نفنوف تنورة شي طويل بين ما اشتريلچ ملابس طويلة بدل البناطير اللي عندچ
- طيب حلبس تنوغة (تنور) طويلة..
:- زين عجل .. ودحگي ..
:- هااه ؟
:- هاي الالوان والخرابیط اللي بوجهچ تخليها ما اريدها ..
باستغراب:-اني اخلي الوان بوجهي شنو لوحة فنية وجهي ؟!!
بهدوء مفتعل:-الحمرة والكحلة وهاي السوالف اقصد .
:-هااا طيب ما اخلي ..
- يلا عجل جايچ بالطريق ما اتاخر..
- مع السلامة.. سديته منه وصفنت عالمرايا هاي من اولها هيچ لعد تاليها شلون الله كريم ،، اتنازل واشوف وياخوفي بعدين ما اتأقلم ..
- طلعت تنورة عندي طويلة باف لون ماروني وثلجي هاللونين نص ملابسي منهم وقميص ثلجي داخل ونسقت باقي الاشياء جيت عالشال دا الفة باوعت لوجهي ممتعودة حطيت بس مرطب للوجه وللشفايف ولفيت شالي لفة عادية مثل التركية ..
- كملت ونزلت جوة انتظره شوي واتصل عليه انطيته رفض وسلمت على اهلي وگمت طلعتله ..
من شافني نزل سلم على ابوية وامي يحچي وياهم واني صافنه عليه كمية نظافة ورتابة يدخل بيها موسوعة غينيس ..
- القميص الاسود المکوي والبنطرون الاسود وشكلة الجذاب چان مثل لوحة فنية غامقة الوانها ممفهومة بس اللي يحبها حيگدر يفهمها هيچ جنت وياه احس بي بكل شي يلبسه يحچي يستخدمه بكل شي..
- اندار وحچة:- يلا كملتي نروح؟!
هزيت راسي من صفنتي وگتله:- اي يلا نغوح(نروح).
- ابتسم ومشى للسيارة صعدت يمه ليگدام وبدأ يسوق ..
- احس بوتيرة مشاعر مختلطة وما على بالي سؤال غير هسة ممكن يسألني بالصار ؟؟ احس راسي صار طبل من گد ما كمية اسئلة دتجي ببالي
- انتبهت عليه جر واير السماعة وشكله بالموبايل وطلع اغنية قديمة كُلش ومسامعتها بس الصوت وايقاع مبين قديم..
.. مالي شغل بالسوك مريت اشوفك عطشان حفن سنين واروي على شوفك ..
..وشلون انام الليل وانت على بالي حتى السمچ بالماي يبچي على حالي ..
