للهو كان فللحب اصبح

23

♡♡للهو كان فللحب اصبح♡♡

              ♡♡بقلمي:-رفل-امير♡♡

          ♡♡الحلقة:-الثالثة والعشرون♡♡

فضلا وليس امرا تصويت + تعليق حتى استمر وياكم بنشر القصة ..

♡♡♡♡♡♡♡♡♡♡♡♡♡♡♡♡♡♡♡

حسيت اطرافي ثلجت من انذكر اسمه هسة اني شسوي متگول ابني شلون هيچ يگول يا ربي جاوبتها بصوت مرتبك:- خالة والله مادغي (مادري) شنو اگوللچ بس قائد گال اي احد يطلبه لتنطيه هاي امور خاصة ..

ابتسمت وحچت:- عفية بنتي خوش تسوين يلا حبيبتي اصيحة تتريكون ..

طلعت ورة شوية اجة قائد وگف گدامي وچتف ايديه وحچة:- بالله ست شمچفصة من سألتچ امي عالنيشان ؟ ..

شهگت عزةةة بس لا عرفت گلتله:- والنبي مگلتلها هي سألتني عن الشسمه واني گلتلها مثل مگلتلي بالضبط ..

باوع وركز بوجهي ورجع باوعلي صفح:-والله يايمه مادري بيچ هيچ عندچ حدس قوي مرة ثانية لبسي شال گدامهم زين؟

:-صفنت هاي شبيهم هزيت براسي وعفته صاح:-تعالي تريگي

رحت گعدت بهدوء اكلت شوية وگمت غسلت ولملمت الغرفة چانت الجرباية مهوسة .. رتبتها ورتبت الفرشة ..

-چان واگف ديطلع قميص اله سحب واحد وراح للاوتي يريد يكويه ..

- رحت يمه محچيت شي بس سحبته منه وگعدت اني اكويه .. كملت كوي انداريت لگيته صافن علية رأسا انتبه وگام يمي حچة:-كملتيه؟

:-اي تفضل

..اخذه مني وحچة:-شكراً

:-عفواً عفواً .. عفته ورحت گعدت عالقنفة هسة شسوي المفروض انزل لو شنو ..

باوعت عليه چان یحچي بالموبايل وراها ذب القميص وطلع دشداشة وحچة:-راح يجون بيت عمي يباركولنا كل شي طبيعي وشالچ مينزل من راسچ زيين؟؟

:-تمام ..

.. رحت حضرت شالي ورتبت نفسي وخليته يمي ..

شوية واجة گال:- يلا امشي ننزل .. رحت يمه دا اللبس بالشال باوعلي وراح للميز جاب كلينکس واجة لزم وجهي وقرب الكلينكس من شفتي خفف الحمرة او مسحها وشوي بقى اثر الها ..

برطمت :-هاي ليش؟

:-چم مرة گايلچ هاي الالوان ما اريدها بوجهچ؟؟

:- زين زين ..

:-دتعاي اخذيلچ راجدي بعد

:-شهگت :-عزةةة شسويت اني ؟

:-امشي رهف لا ابتلي بيچ هساع ..

نزلنا جوة لگيناهم كلهم متجمعين بالاستقبال اتذكرت المساء الخير لا روح اچفصها ..

هو گال:- السلام عليكم ..

باوسوا كلهم واني النسوان سلموا علية وباركولي وينطون ظروف ..