للهو كان فللحب اصبح

الحلقة الثانية والثلاثون

♡♡للهوِ كان فللحب اصبح♡♡

♡♡بقلمي:-رفل امير ♡♡

♡♡الحلقة:-الثانية وثلاثون♡♡

♡♡♡♡♡♡♡♡♡♡♡♡♡♡♡♡♡♡♡

.. وصلت للباب الخارجية اباوع هاية سيارة قائد طابگة من هالجهة بس شجابه معقولة اكون اني مشبهة ودا اتخيله موجود من ورة اللي صار وگد مفكرت بيه ؟ ..

.. مشيت متوجهة للقسم وهاية السيارة تمشي وراية اريد استعجل ماكدر لان عالم و دنيا الصبح وخاف ينتبهون عيبب شنو موقفي كدامهم ..

.. طبيت بالفرع اللي بي بناية القسم الداخلي باوعت همزين ماكو هاية السيارة االي تمشي وراية اختفت اتنفست براحة وجيت دا اعبر ما احس غير سيارة تكسر علية وتضرب بريك قوي.. گلبي اجة يوگف من الخوف مو من الحادث اللي راد يصير من الگاعد بالسيارة كدامي ..

.. رجعت ليورة واحس كل جسمي يختض من الرجفة والهبطة والخوف ..

نزل من سيارته واجة يمي وگف وحجچ :- ماتردين خاتون من اخابرچ مو ؟؟ صعدي حتى افتهم منچ شهالتصرفات مال المزعطة هاي ..

ياااا ربي خلي بابا يجي بسرعة احس گلبي حيوگف من الخوف كل شي يگدر يسوي لان اصلا الشارع فارغ مابيه احد دوامات العالم كلها احس الدموع وگفت بطرف عيني ،،، گتله بصوت يرجف :- ما اصعد ويااااااك غوحح (روح) منااااا خلي اولي لقسمي

حچة بحدة :- صوتچچچچ ،، انا مو ناقص عرض حتى اخذچ وياي وانتِ ماراضية ولا اخذچ بدون علم اهلچ ،،، وتعرفين لو اريد ما انتظر حضرتچ لما تصعدين وياي اجيبچ ساعة الاريد واتركچ ساعة اللي انا اريد اتركچ براحتي مفهوم؟؟!!!! ..

دنگت راسي وبس دموعي ينزلون على وجهي گتله :- والله افتح خط بعد بس عوفني اغوح (اروح) القسمي بابا على جية هسة ليشوووفك هناااا غووووح (روح)

حچة بعصبية:- رهفففففف احچي عدل عاد لتحسسيني صاحبچ انا وتتختلين بية جدام اهلج ويجي واذا اگف گداموا وابن اموا اللي یوصلچ بحچاية ..

:- هييَ مو عصبية وعغكة (وعركة) ولتنسى حضغتك(حضرتك) شنو سويت حتى جاي هسة تتفاهم انت اي طغيق (طريق) غجعة (رجعة) مخليت اعتقني لخاطغ(الخاطر) الله ..

:- صعدييي وسمعيني اول وبعدين اللي تردي يجرالچ ..

- اقسم بالقغآن (بالقرآن) ياقائد اذا اخذتني المكان بعيد والله والله اعيط واكپگوللهم خاطفني وبس نحچي شوية واغجع (وارجع) للقسم ..

:- دصعدييي يلا ..

- صعدت وياه بالسيارة ومشى شوية صف بمكان مابي احد تقريبا ومنعزل وقريب القسمي ..

سكتنا ثنينا وبس صوت الاغنية اللي مشغلها هو مسموعة چانت كلماتها اتمنى اطبقها فعلياً ويكون اخر همي هو بس للاسف شگد ما ازعل وشگد ما احقد عليه واكرهة واحچي واقرر اتركه ارجع ثاني يوم الگة گلبي يحن اله واشتاقله واني اي راحة منه ماشفت بس شنو اسوي لگلبي اللي ميرضى بعده وعقلي اللي ميريد قربه ،،
زاعلني متزاعلني
كلك صرت متهمني
كل ما اريد احچي وياك تكلي ازعل وانساك ماتزعل ،،
ما تزعل وشنو يعني تعبني زعلك والرضا ،،
والعمر بفراگ انگضى ،،
صدگني ميعود المضى ..