للهو كان فللحب اصبح

الحلقة السادسه والعشرون

♡♡للهو كان فللحب اصبح♡♡

             ♡♡بقلمي:-رفل-امير♡♡

      ♡♡الحلقة:-السادسة والعشرون♡♡

اعتذر عن التاخير حبايبي الواتباد من صدُك صاير ماعرف شي ونرفزني يعني من الساعة بال11 حاطته حتى ينشر ومدا ينشر لحد هسة يلا نشر 💜

قراءة ممتعة💜

كـون م̲ــا فـاتح رسـالة ولا قـبـلت بيـوم ظـرفكہ كـون ارد ذاكہ الغـريب المـا يعـرفكہ📝

♡♡♡♡♡♡♡♡♡♡♡♡♡♡♡♡♡♡♡

:-لا خالة عيب اني اگعد وياكم وهو توة جاي من الدكتوغ(الدكتور) ومتدمغة(ومتدمرة) نفسيته اكيد محيحب احد موجود من حيحچيلكم ..

:-لا يمه تعالي انتِ مننا وبينا لاتخلين حواجز وهو المگرود هساع بحال يحچي شي تلگينوا حال الضيم حالوا ..

-مشيت على حچيها ورحنا گعدنا برة بعدهم مجوي خالة اندارت علية وحچت:- يمه ماكو شي بالطريق ..

شهگت عزةةة بعيني ياطريق هذا .. گلتلها :- لا خالة ماكو شي

:-الله كريم يمه ..

..بهالحچي وطبوا ايوب وقائد بس ايوب يمشي كأنه طالع من حلگ الموت والصدمة لسة على وجهه

سلم بهدوء وگعد ساكت ميحجي اي شي .. قائد اشر لخالة تصيحه عالريوك ..

انتبهت خالة گلتله..
:- يلا يمه مد ايدك عالريوگ اليوم ما اطلعك من هين الا وانتَ ماكل هالگيمر الچنو وجهك ..

ابتسم بهدوء تام چانت افعاله هادئة بس اللي بداخله من عواصف بركانية وحمم الله اليعلم بيها بس ..

- اكلوا هو شوية وگام يغسل حچت خالة
:-سودة علية يايمه زين يمه احچي وياه هيچ راح يدمر حالوا

- يمه والله حچيت لما عجزت بس مياخذ حچي شسويلوا .. ابقى وياه والله كريم ..

- گمت لملمت السفرة وعزلتها وعزلت البيت ورتبته حسيت نفسي نعست بس یلا اسوي الغدة ورة الغدة انام ..

- رحت للمطبخ لگيت خالة دتسلگ لحم وگفت يمها:-هاا خالة شنسوي اليوم غدة ؟..

:-نسوي چبسة لحم يمه ناوشيني التمن من يمچ دا اسلگوا ..

:-لا خالة اني حسلگه جبت التمن غسلته وصار  نظيف وهدرته عالنار تطبيگ  ..

للساعة ب12 كملت الكبسة والمرگة گمت طلعت مواد سلطة وگمت اقطع ..

.. صبينا الغدة وسارة لسة ماجتي صعدت عليها اني الصبح لگيتها نايمة وعفتها..

حچة قائد:-عجل سارة وين؟

:-نايمة صعدت عليها قبل شوية خطية چانت نايمة وعفتها...

:-شو روحي گعديها شبيها ليش نايمة هالگد ..