الساعة 3:20 عصراً..
في مطار الخرطوم الدولي..
ماشة في بهو المطار وجنبها شيرين وقدامها مازن ومحمد جارين الشنط..
عاينت لي مازن الوااضح انو ح يطير من الفرح..
كانت لابسة اسكيرت هاي وسط اسود فيهو قلوب صغيرة بالكوبي وبلوزة سودا سادة شبط رفييع بالكوبي ومُضفرة شعرتها حمامة وحدة وروجي كوبي..
شيرين لابسة فستان صيفي بيج فيهو رسوم بالبني والبرتقالي الغامق وجالي بالبني وشبط رفييع بالبيج وفاكة شعرها جايباهو بالجنبة اليمين..
مازن كان لابس بنطلون جينز اسود وتيشيرت اسود نوع البكون من ورا طويل شوية وفيهو علامة نايك بالابيض في الضهر واسبورت ابيض مع شعرو الكتير داك كان قرررض..
محمد لابس بنطلون اسود وتيشريت ابيض ساادة مظهر عضلاتو..
يلا شفتو مسافة انا بوريكم في لبسهم هم كانو خلصو اجراءاتهم واتجهو علي طيارتهم الخاااسة 😂...
اول ما طلعو حوش المطار الكبير داك لقو محمود بتكلم بالتلفون وماديهم ضهرو لمن قربو عليهو محمد ضربو في كتفو اتلفت عاين ليهو كدا واتحرك قدامهم..
سمر قلبت عيونها بزهههج وهي شايفاهو ماشي مع محمد قدامهم..
اتلفتت علي مازن لقتو بعاين ليه
قالت:مش قلتا لي م جاي؟!
مازن:م عارف...قلتا ليك م عارف
شيرين:سمر خلاص م مشكلة
مازن:اي يخ خلينا نستمتع
سمر اتأفأفت واتقدمت منهم..المسافة للطيارة كانت بعيدة شوية والمفروض اصلا يركبو بص بس عشان هم طيارتهم خاصة م ركبو..
وصلو الطيارة وطبعا لقو طاقم الطيارة المكون من كبتنين و4 مضيفات واقف ليهم تحت واول ما هم وصلو دنقرو ليهم راسهم نظام تحية..محمود طبعا فوو ركب
محمد:اووو جوروج
ومدا ليهو يدو..وسلم علي الكابتن التاني وركب..في المسافة دي سمر ركبت ورا محمود طوالي وشيرين ومازن بعدها..
محمد ركب والطاقم وراهو..
وخلال ربع ساعة الطيارة كانت في الجوو..
سمر وشيرين قاعدين في الكرسين الجنب بعض وقصادهم مازن في الكرسي البراهو وقدام مازن محمود في الكرسي البراهو وقدام سمر وشيرين محمد في واحد من الكرسين المع بعض..
المضيفة جات وهي شايلة صينية فضية صغيرة فيها كباتين نبيذ ادتهم لي محمد ومحمود..
سمر:كمان بتسكرو؟! خليتو للكفرة شنو؟!
محمود غمض عيونو بزهههج..
محمد:سمر اتلمي
قلبت عيونها واتلفتت علي الشباك..
فضلو علي الحالة دي زي ساعة..مازن جا قعد جنب سمر وشيرين مشت مكانو..
اول ما جا جنبها قالت ليهو:مازن زح مني
مازن:سمر يخ بطّلي
سمر:م ببطّل وزح مني م عايزة معاك ولااا كلمة
مازن عاين لي محمود لقاهو تاكل راسو ومستكييين..
همس ليها:سمر يخ
عيونها اتملو دموع همست ليهر:م تتكلم معاي
مازن:هسي انتي بتبكي ليه؟!
كان دار يمسح ليها دموعها لزت ليهو يدو
وقالت:زح مني بس
مازن اتنهد وهو بعاين ليها مسااافة اتلفتت علي الشباك بعدها قام رجع مكانو
شيرين وهي بتقعد جنب سمر:د شنو البتعملي فيهو د؟!..م تخربيها مازن م صدق ح يمشي مدريد م تمسخيها ليهو
سمر عاينت ليها مسااافة بعدها رجعت تعاين بالشباك مع انو مف غير السحب...
في جانب آخر...
قاعدة في غرفتها في الارض جنب سريرها وحولينها كمية كتب..
رفعت كتاب البلاغة "الصف الأول ثانوي" فتحت اول صفحة لقت اسمها مكتوب بخط عجييب ومتداخل جوة بعض كد ومردد بخط تقيل..ختت اصابع يدها الشمال فيهو وهي بتتذكر يوم كتبو ليها..
