بعد مرور شهر..
في احد المدارس الثانوية المرموقة..
واقفة قدام البورت الفيهو تفاصيل نتايج الممتحنين..
مركزة عيونها ع اسم..
مازن ناصر الدمنهوري..
جاتها صحبتها:ي بت..كل مرة ح تلفي وتجي تقيفي قدام اسمو؟!
اتنهدت:شتقتا ليهو ي فطوم
صحبتها:قربنا نتم شهرين من نزلنا..حاولي اتجاوزي
نزلت راسها وهي بتحرك راسها نظاك طيب..
ومشت ع فصلها بعد صحبتها ورتها انو الحصة بدت..
مساءً..
قصر الراشد الدمنهوري..
قاعدة ف بلكونتها ف الارض وضامة كرعينها عليها..
وعقلها بعيد ليها الكلام القالو ليها ابوها قبل كم ساعة..
:محمود اتقدم ليكي ونحنا اديناهو طبعا..العقد الخميس
هاجت وكوركت ورفضت..
بس ابوها كان كلامو واحد..حتى انو مشا خلاها بتتكلم..
بعلت ريقها لمن سمعت صوت الباب بفتح..
مسحت وشها وهي سامعة صوتو خطوات عرفتو مازن من غير تعاين ليهو..
احساسها بيهو م خاب لمن قعد جنبها وقال:ي حلووو
عاينت ليهو:كنتا عارف؟!..عشان كدا امبارح بتتحاشني؟! ولما جيتك ف المطبخ طلعتا خليتني؟!
نزلت راسو:م كنتا ح اقدر اخبي عليك وف نفس الوقت م بقدر اوريك انا
بعلت ريقها واتلفتت ع الجهة التانية..
مازن استغرب فيها انها م قعد تبكي..
قال ليها:انتي كويسة؟!
عاينت ليهو مساافة كانت ح تتكلم بس سمعو صوت عربية..عاينت للجنينة شافت محمود بنزل من عربيتو..
وقفت ع حيلها بسرعة ومازن وقف وراها
قال بخلعة:ع وين؟!
لزتو من قدامها:ارجاني هنا
وجري..
لاقتو قدام باب الفلة داخل..
لزتو وكوركت:د شنو العملتو د؟!..ليه تقول لأبوي انك دايرني العرس الخميس؟!
محمود ببرود:د المفروض يحصل من زمان
بلعت ريقها وهزتو:محمود لاا..م تعرسني بالغصب
كان ساكت وبعاين ليها..
العبرة خنقتها:م تخرب المكانة البديت اديك ليها
مسك كتفها:طيب ومكانتي الاديتك ليها وخربيتها؟!
مسكت يدو الماسك بيها كتفو:محمود اول مرة اطلب منك طلب..عليك الله م تعمل كد..عشاني
محمود:اول مرة م انفذ طلبك
فكاها وطلع فوق..قعدت ف الارض وهي بتحرك راسها نظام لا..
ي جماعة م بتقدر تعرسو..عديل م بتقدر..
ختت يدها ف خشمها وهي بتبكي..
حست بزول بجرها..عاينت لقتو مازن..
رمت نفسها ف حضنو واتفقعت بالبكا..
مازن بلع ريقو وهو بمسح شعرها..
محمود حكا حاجبو الشمال..وهو شايفهم من فوق السلم..
صباح اليوم التالي..
غرفة سمر..
شيرين اتنهدت وقالت ليها:سمر انا كنتا زيك كد..كان اهون لي اموت ولا اعرس محمد..بس الليلة..ندمانة اني بكيت في يوم عشان م اعرسو
سمر عاينت ليها:محمد م زي محمود ي شيرين..محمود فقري
شيرين:اصلا بتشوفيهو كد بس لمن تعرفيهو وتقربي منو ح تحبيهو..او حتي ح تتعودي عليهو
سمر:ماما وبابا عرسو غصب..وعمري م شفتا بينهم نظرة حب
شيرين ابتسمت:انا متأكدة ح تلقى الحب مع محمود
سمر عاينت ليها:شيرين انا بخاف منو
شيرين اتنهدت:انا كنت زيك
سمر اتنهدت..
شيرين:سمر اسمعي كلامي انا جربت قبلك
سمر بعلت ريقها..
شيرين:قومي يلا عشان تجهزي..فضل ليك 4 يوم بس
سمر:اجهز كيف يعني؟! م بجهز عديل
شيرين:سمررر
سمر:شيرين م تكتري كلام معاي
شيرين اتنهدت من قوة راس بت عمها..
