صباح اليوم التالي..
فتحت عيونها بزهج خوقالت:مازن اقسم بالله نمتا هسي..زح مني يخ
مازن:لا م بزح قومي يخ
سمر:مازن افهمني انا نمتا بعد الشمس شرقت وهسي نعسانة عيوني م قادة افتحهم
مازن:اولا ي حلو الساعة 9 هسي يعني انتي نايمة حكاية بتاعة 3 ساعات عديل تانيا طالعين وانا م ح اطلع من غيرك..قوومي
سمر اتنهدت
مازن:هااا..قومي
سمر لوت خشمها:طييب
ابتسم وطلع لقى شيرين
شيرين:هاا؟!
مازن:تمت المهمة بنجاااح
ضحكت وضربو كفوفهم سوا..
جهزو وطلعو..
محمد:يلا يلا
سمر عاينت ليهم..محمود ماف شكلو تحت ولا شنو؟!..نزلو وم لقتو تحت معناها نايم او يمكن يكون طلع من بدري..وطبعا مستحيييل تسألهم منو..
مشو مطعم ايطالي سمر طلبت بيتزا وبالباقين باستا واسبقتي وكد..
فطرو ولفو شوية كد..الضهر رجعو البيت ومحمد شال اكل لمحمود فكد سمر عرفت انو في البيت..
وصلو وكل زول دخل غرفتو..محمد مشا لي محمود..وقف جنبو
وقال:محمود قووم
محمود اتلفت علي الجهة التانية وهو بقول بصوت رخييم:م قايم..خليني
محمد طفا الانوار وطلع خلاهو..
الرابعة عصراً..
مازن اقترح علي البنات انو يطبخو ليهم..
سمر:طييب دقيقة..ح نعمل مسابقة انا وشيري فريق وانتو فريق ونشوب الفايز منو
مازن بحمااس:ومحمود الحكم
سمر سكتت
محمد:دقيقة دقيقة انتو الاتنين بنات طباخات م ينفع تكونو تيم واحد
سمر ضحكت:طباخ انت والله
مازن:محمد خليهم..عشان يكون ليدييز فس ميين
"السيدات ضد الرجال"
ضحكو وبدو مسابقة..
محمد ومازن دخلو النت قال ح يعملو مكرونة بالبشميل قال..
مازن ماسك التلفون وبوصف لمحمد عاين لسمر لقاها بتقطع في الخضار..
قال ليها:سمر
عاينت ليهو بسرعة..اشر ليها من عيونو لعيونها..الحركة البعملوها المسابقين لبعض ديك..
ضحكت ورجعت تقطع..
محمد طلع المكرونة كباها في صحن كبير كد وختاها تحت الماسورة داير يغسلها..شيرين كانت واقفة قريب منو جنب البتوجاز..عاينت ليهو وفجرت الضحكة
محمد ضيق عيونو:اها في شنو؟!
شيرين بالضحك م قادرة تتكلم
مازن جا عليهو:د شنو البتعمل فيهو د..حصل يوم شفتا مكرونة بغسلوها؟!
سمر فجرت الضحكة..
محمد ببرائة:ما زي العدس..العدس صح بغسلوهو؟!
سمر:العدس اي بس المكرونة لاا
مازن:وبعليييك ي مازن ال لاعب مع واحد اخرق..وبعليك
البنات دار يموتو بالضحك
محمد:بطّل رغي واعمل البشميل مسافة اجهز المكرونة
مازن:اكيد اكيد اتعلم الطبخ من الشييف
محمد:اتلهي
مازن بدا يعمل البشيمل زي ما محمد طلب منو..
مرت نص ساعة وهم شغالين في سكووت..
محمود صحا وهو حاسي بصداع م طبيعي..مسح نخرتو وسحب علبة البدرة من درج الكومودينة اخد ليهو شمتين..حتى قدر يفتح زي الناس..
طلع برا وهو سامع اصواتهم من المطبخ مشا عليهم..
محمد اول ما شافو:اووو محمود..صباحو ياا
سمر حاولت انها م ترفع نظرها من الحاجة البتسوى فيها لأنها متأكدة انو م يكون بعاين ليها..
وفعلا محمود وزع نظراتو عليهم وفي الاخر ثبت عيونو فيها وقال:في شنو؟!
"طبعا في شنو دي ترجمتها..مالكم داخلين المطبخ كلكم😂"
محمد ضحك:عاملين مسابقة مازن:ليديز فس مييين
وعمل بيدو كد🤘🏻
محمود حكا عيونو وم ردا
شيرين:انت ح تكون الحكم..ولاازم تفوزنا
محمود عاين لمحمد:م افوزك الا انا
مازن:يزول هوي هوي احكم بالعدل..م يضعفك الجنس الناعم
سمر ضربتو في ضهرو بخفة:يود روق ساي
ضحكو ومحمود رجع غرفتو
استحما غير وجاهم طالع تاني..لقى شيرين واقفة جنب البوتوجاز ومحمد ومازن جنب الفرن..سمر ماف؟!..جات طالعة من الغرفة..طبعا المطبخ والغرف فاتحين في الصالة ومحمود واقف في الصالة لكين قريب للمطبخ..
سمر:بابا بسلم عليكم كلكم
محمود:الله يسلمو
سمر عاينت ليهو وجات مرت بي جنبو دخلت المطبخ..
فتح التلفزيون وقعد قدامو..شوية كد والجماعة جاطوو..عاين ليهم نظام في شنوو؟!
مازن جا عليهو:يلا يلا تعال درق واحكم
وقف علي حيلو لما مازن جراهو من يدو دخل المطبخ وقف جنب التربيزة المختوت فيها الاكل..
سمر وشيرين كانو عاملين كبسة فراخ ومحمد ومازن مكرونة بالبشميل..محمود شال الشوكة المدتها ليهو شيرين وداق لقمة من الكبسة
طبعا سمر وشيرين قاعدين في السفرة وهو واقف ومحمد ومازن واقفين ليهو في راسو..
م قال شي وشال لقمة من المكرونة..ثبتها جوة خشمو وعاين لمحمد
محمد:اها في شنو؟!
مدا ليهو الشوكة وقال:شوف براك في شنو
محمد شال لقمة ومضغها شوية كد بعدها جرري علي الحوض تفاها "اكرمكم الله"
وجا راجع لمازن
وقال:هي هي هي..انت عملتا شنو في البشميل؟!
مازن وهو بتذكر:اااا..عسل وسكر محروق و..
سمر وشيرين كر كر كر ضحكو
ومحمود ابتسم بالجنبة وهو بجر الكرسي الفي راس الصفرة وبقعد..
محمد انفعل:انت جنيت؟! البشميل بعملوهو كد؟!
مازن:د مش ياهو البتاع البتعملو سمر وتختو في الفريزر داك؟!
سمر وهي بتضحك:داك كراميل..ود بشميل
مازن عاين ليها مسااافة بعدها بقى يضحك لمن عيونو دمعت...
محمود رجع لورا في الكرسي وهو بقول لمحمد:معروف الفايز منو صح؟!
محمد:كلو من اخوك الزفت د
مازن لسه بضحك..قعدو اكلو الكبسة..
