صباح اليوم التالي..
الخرطوم..
جا نازل وهو بكفكف اكمام القميص رفع حاجبو لمن شافهم قاعدين حولين الصفرة وابوهو ماف..
سألهم:ابوي وين؟!
عاينو ليهو التلاتة..
سمر:طلع من بدري
مطا خشمو نظام ايواا وجا قعد..قبل ياكل عاين لمازن الصاري وشوو..
محمد:د مالو كمان؟!
عاين لسمر وشيرين عشان يردو ليهم بس عاينو لبعض واتنهدو..
مازن وعيونو في صحنو:محمد اتكلمتا مع محمود قريب؟!
عقد حواجبو:امبارح العصر كد
مازن عاين ليهو..
محمد:ليه يعني بتسأل؟!
مازن:لي 4 يوم م اتكلمتا معاهو
محمد سكت مسااافة:م دق ليك هو؟!
كورك:م دقا وبدق ليهو م برد
محمد سكت..م عرف يقول شنو احتمال محمود م موريهو اصلا انو سافر الجنوب..
قطع تفكيرو صوت مازن وهو بقول:حمدلله
ومشا خلاهم..
سمر عاينت ليهو لحدي ما طلع السلم..اتنهدت وم قالت شي..م عايزة تدخل في الموضوع عشان بخص محمود..بس كمان بخص مازن ف م قدرت تسكت
سألتو:محمد بالجد قعد تتكلم مع محمود انت؟!
محمد:اي والله يعني ح اكذّب ليه؟!
سمر:طيب خليهو يدق لمازن لأنو بالجد قافلة معاهو
محمد:اي اكيد..هو بس بكون مشغول
سمر اتنهدت..
شيرين وقفت:حمدلله
سمر وقفت:نا زاتي شبعتا
شيرين:م اكلتي شي وامبارح كمان م اتعشيتي
سمر:شبعانة اساسا بس قلتا افك ريقي
شيرين اشرت ليها براسها نظام ايواا ومشوو..
محمد د كلو بعاين ليهو او بالاخص شيرين البتتجاهل فيهو بطريقة عحييبة..اتنهد وهو مقرر يتصرف معاها بس خليهو يفضى ليها..
اكل لقميتين وقام طلع وهو عاقد حواجبو..سفر محمود مؤثر فيهم كلهم ودي حاحة واضحة وضوح الشمس..
سمر دخلت لمازن بعد سمعت:خُشي..
دخلت لقتو واقف قدام المراية وبلبس في قميصو..
قعدت فالسرير وهي بتقول:طالع؟!
اشر ليها براسو نظام اي..سكتت وهو مراقباهو زرر القميص واتريح..شالت تلفونو من الكومودينة مدتو ليهو وهي بتقول:اكيد ح يكون مشغول واول ما يفضى ح يرجع ليك
عاين ليها:مشغول 4 يوم؟!
سمر:م معروفة ظروفو شنو
مازن:وبتكلم مع محمد عادي
سمر:احتمال امبارم اول مرة واحتمال اصلا مكالمة شغل..م تزعل وتتنشن ساي
عاين ليها وم ردا
ختت يدها في خدو:الغايب عذرو معاهو..صح؟!
اتنهد وقال:صح
ابتسمت وحبت تغير الموضوع:ح تتأخر؟!
مازن:لا..اولاد المدرسة عاملين طلعة ومع عدم الموضوع د قلتا امشي معاهو
سمر:كويس..ايامك
ابتسم ليها وهو بخت يدو في كتفها وهم متجهين علي برا..سمر دي ولا مرة فشلت في انها تطلعو من الباد مود..
مازن:زاتو اتعرف عليهم
ضحكت:تتعرف بعد امتحانات الشهادة؟!
مازن:بعرفهم اسامي بس
ضحكت:ي مفترري
وقفت قدام جناحها..
باس راسها:يلا ي حلو..لي بعدين
ابتسمت:يلاا
مشا وهي بتعاين ليهو..حست بلفة راس وقدامها ضلم لثواني ورجع..هزت راسها وهي بتهمس:بسم الله..ودخلت غرفتها...
كورك وهو سايق:شنووو؟!!....سكت وهو بسمع فالطرف التاني بعدها قال:طب الجرح كبير؟!..خيطوها؟!..3 غزر؟!..
اتنهد وهو بقول:نزف كتير؟!..طيب م تخليهو يرهق نفسو وجيب ليهو فيتامينات عشان يعوض..اي اساسا م ح ياكل ليك شي..هسي هو صاحي؟!..خلاص لمن يصحا بدق ليهو..يلاا
قفل الخط وجدع التلفون في الكرسي الجنبو..محمود معوق حاليا وبعيد منو..قلبو كان حاسس انو ح تحصل كارثة وكونو محمود يتعوق وينزف دي كارثة..اتأفأف بزهج..قال نزف كتير كمان..طبعا حكاية يعوض بالاكل دي مستحيلة عند محمود..
ضرب بوري شديد وطلع راسو بالشباك وهو بكورك:ما تزح ي .......
مزاجو فعلا قلب..
