جعلت من القاتل ضحية

١٣

صباح اليوم التالي..
الخرطوم..
الحادية عشر واربعون دقيقة صباحاً..
اتنهدت وهي بتقول:اها وم رجع ليك؟!
مازن وهو قاعد نص السرير:م رجع..حيوان خلاص
سمر:م كان تقفل في وشو
مازن:ضارب لب بعد 7 ايام وشغال يتبارد فيني عايزاني اعمل ليهو شنو؟!
سمر:ولا شي تتكلم معاهو كويس في النهاية هو اخوك الكبير
عاين ليها:سمر انتي بتدافعي ليهو ولا انا بتخيل لي؟!
سمر:م كد بس الموضوع م يستاهل زعلم د كلو
مازن اتنهد وم ردا ليها..كلهم شايفين الموضوع م مستاهل بس هو مستاهل بالنسبة ليهو..
عاين ليها لقاها بتمسح في وشها مسك يدها
وقال:انتي اصبحتي كيف؟!
حركت راسها:تماام حمدلله
ختا راسو في حجرها وقال:يخ ارجعي زي ما كنتي..اشتقتا ليك انا
سمر:ليه انا متحولة هسي؟!
ضحك وهو بخت ليها يدها في عيونو
سمر عاينت ليهو مسااافة..مررت يدها في ملامحو وهي
بتقول:حتي لو انا زهجانة ومنفسنة برضو ح اكون موجودة عشانك
رفع راسو:انا كمان دايما موجود عشان
ميل راسها وهي مبتسمة ليهو..
مازن:هوي د شنو الجو الدراماتيكي د؟!
ضحكت:ما د انت عامل فيها حنين
ضحك:م ناوية تنزلي الجامعة؟!
سكتت..اتذكرت الجامعة وعمر اكيد ح يكون قلقان عليها
قالا:نووو
مازن تلفونو دقا رد ب:الوو..تمام والله..ضحك..قدام ي مان مُنتهي..يلا
قفل الخط:معليش ي حلو..عندي مشوار
سمر:مشاويرك كترت ي ولد
مازن:عرستا من وراكم
ضحكت وقرصتو في اضانو
ضحك ووقف علي حيلو:يلا..ماشي اجهز
سمر:تمام..انا ح انوم
مازن:مع انك صحيتي قبل ساعة بس..يلاا نوم الظالم عبادة
ضربتو وضحكت وهو طلع..
بعد مرور 3 ايام..
شيرين في جامعتها..عمر ليهو كم يوم بحاول يسألها من سمر بس هي بتتجاهلو..

جنوب السودان..
محمود بدا يحييك خطة عشان ينتقم من معاذ..

الخرطوم..
التاسعة واربع وعشرين دقيقة مساءً..
راقدة في غرفتها بتعاين قدامها بشروود..الليلة اليوم كلو م طلعت من غرفتها..جد جد زهجانة وقافلة معاها اكلها نقص شدييد..اتأفأفت بزهج لمن تلفونها دقا وقررت من غير تشوف المتصل انها م ترد..دقيقة كد وبعدها مدت يدها اتناولت التلفون من الكومودينة شافت المتصل "The killer" قعدت علي حيلها بخلعة..محمود داقي ليها؟!..تاني؟!..عايزة ترد كد الخط فصل..بقت تعاين للتلفون وم عارفة تعمل شنو..حسم ترددها بي مكالمتو التانية المرة دي ردت سريييع  وختت التلفون في اضانها..

عند محمود..دقا ليها المكالمة الاولى م ردت عاين للتلفون مساافة ودقا تاني..حاجة جواهو خلتو يدق ليها تاني..وفعلا ردت سريع المرة دي..عاين للتلفون ورجع ختاهو في اضانو..
وقال:سمر
سمر:ايوة
محمود:كيفك؟!
سمر:تمااام حمدلله
محمود سكت
سمر:انت كيف؟!
محمود:كويس انا
سمر:حمدلله
قال وراها:حمدلله..بقيتي كيف؟!
سمر:تماام حمدلله
ابتسم:احسن؟!
ابتسمت:احسن
سكت وهو بفتش في كلام يقولو وسمر منتظراهو يتكلم..
محمود:مازن كيف؟!
سمر:كويس حمدلله
محمود حرك راسو
سمر:زعلان منك شديد
محمود:اي اليوم دا قفل في وشي
سمر سكتت منتظراهو يتم بس هو سكت..
سمر:7 يوم كتيرة
محمود:مشغول م بيدي
سمر سكتت مساافة بتحاول تستوعب انو ببرر ليها
قال:ارجع دق ليهو تاني
محمود سكت بستوعب انها قعد تحل مشاكلو مع اخوهو
قال:طييب
سكتووو
محمود:مشيتي الجامعة الليلة؟!
سمر:لا..اساسا الليلة آخر يوم..الاسبوع الجاي اجازة رمضان
محمود:رمضان؟!
سمر:اي..الاسبوع البعد الجاي
محمود سكت بالجد ناسي رمضان وم جايب خبرو..
سمر اترددت:ح تجي متين؟!
محمود سكت مسااافة بستوعب انها بتسأل عن جيتو..
قال:اسبوع 10 يوم كد
سمر:اممممممم
محمود:اي
سكتووو
محمود:يلا اخليك تنومي
سمر:تمام يلا
محمود:تصبحي علي خير
سمر:تلاقي الخير
وقفلت..
اتنهد وهو بخت التلفون في جيوبو وبتنفس بعمق..