بعد الحفلة..
في غرفة شيرين..
وقفت بتعاين لبت عمها بقلة حيرة..
كانت كويسة وفجأة انفصمت وبقت تبكي بي طريقة هيسترية..
خالاتها اتنين واقفين فوق راسها بسألوها مالا وكد..وهي م بترد..
بس تبكي..
رمشت مرتين ورا بعض واتجهت لي تحت..
وقف علي حيلو واتجه علي اختو الواقفة بعيد وبتناديهو..
محمود عاين ليهم..
سمر:ليها ساعة بتبكي
قال وهو عاقد حواجبو:مالا يعني؟!
سمر:معارفة والله..م راضية تتفاهم مع زول
سكت..
سمر:انت عملتا ليها شنو؟!
محمد:م عملتا شي..لي قريب 3 يوم لساني وم ناطق لسانها
سمر:خليها ال 3 يوم..اصلا شنو الخلاها توافق علي العرس؟!
بلع ريقو لمن اتذكر يوم مشا ليها في غرفتها..
قال:اتكلمت معاها..واتفقنا ندي علاقتنا فرصة
عاينت ليهو وهي بتتذكر لمن محمود طلب منها تدي علاقتهم فرصة..
اتنهدت وهي بتعاين للارض..
محمد:ممكن اتكلم معاها؟!
عاينت ليهو:محمد م ناقصين مصايب
محمد:مصايب شنو قولي بسم الله..ح اتفاهم معاها بهدوء
سمر:هي غالبا بتبكي بي سببك
محمد:هي خايفة..وانا ح اعرف اطمنها
"احيييه..نا دايرة زول يطمني🥲🖤"
سمر عاينت ليهو مسااافة:طيب..شوية كد لو م سكتت بناديك
محمد:تمام جرّسي لي بس
سمر:طيب
ومشت..ومحمد رجع قعد جنب حراسو الشخصي والياس ومحمود ومازن وقصي..
محمود سألو بصوت واطي:في شنو؟!
محمد:شريه اتجرست
محمود عاين ليهو..
محمد:قايم اتكلم معاها بعد شوية..شكلي م ح اسوقها
محمود:لا..سوقها واتفاهمو قدام
محمد اتنهد ومسح وشو..
تلفونو رنا..عاينو ليهو هو ومحمود الاتنين..
وكانت سمر..
قفل الخط ووقف علي حيلو..
مازن عاين ليهو:علي وين ي عريس؟!
قصي:بعد د بكون قلّق عاد
محمد ضربو في راسو براحة ومشا..
وقف قدام باب غرفتها وهو سامع اصوات خالاتها بودوعها..
بلع ريقو..ح يمشو يخلوها في الحالة دي؟! بالجد م عندهم قلب..
رفع راسو لمن سمع خالتها الكبيرة بتقول ليهو:العرييس..الف مبروك بيت مال وعيال
ابتسم ليها:الله يبارك فيييك..عقبال بناتك
ضحكت لأنو متذكر بناتها:في حياااتك
خالتها الصغيرة مشت من غير تودعو..
فتح باب الغرفة براااحة ودخل..
الصالة كانت فاضية..
اتجه علي الغرفة..وقف ورا الباب وقال:سمر
سمر اتلفتت علي الباب ورجعت تعاين لشيرين وقالت:محمد جا
شيرين عاينت ليها بخلعة
سمر:انا وريتو انك بتبكي وجاي يتكلم معاك
شيرين حركت راسها نظام لا:م تخليني وتنزلي
سمر:طيب..ادخل ي محمد
محمد دخل..
عاين لي شيرين..كانت قالعة التوب والقرمصيص..
الجدلة مع فستان الجرتك..والحنة..كانت عسااال
وقف قدامها..
جرت القرمصيص ختتو في اكتافها لأنو فستانها بدون كم..
محمد عاين لسمر:جيبي ليها موية
سمر عاينت لشيرين البتعاين ليها وعيونها مليااانة دموع..
سمر:لا لا..شربت هسي
محمد عاين لشيرين:شنو ي شريه؟! بتبكي ليه؟!
م ردت ليهو..
محمد:نسيتي اتفاقنا بتاع اليوم داك؟!
عاينت ليهو..
محمد:وريتك انو مف حاجة ح تحصل من غير رضاك
سمر نزلت راسها..
شيرين بلعت ريقها..
محمد عارف نفسو احرجها بس م عندو حل غير كد..
محمد:خلينا نمشي هسي والعايزاهو ح اعملو ليك
شيرين بتعاين ليهو..
محمد مد ليها يدو:يلاا
بقت تعاين لي يدو..خايفة شديد منو..خايفاهو يتغير ويكون كل البعملو د تمثيل..بس كمان خايفاهو يكون بحبها بجد وتكسرو بي حركاتها دي..خايفة منو وخايفة عليهو..
محمد عاين لي سمر:لبسيها توبها يلا..زاتو احسن تلبسي حاجة عملية كد عشان السفر
عاينو ليهو الاتنين..
سمر:سفر؟!
محمد:ح نمشي فرنسا..ضحك بخفة..هدية عرسنا وكد
سمر:وبعلييي..انا ماشة معاكم
محمد:لا معليش..لمن تعرسي خلي حوتا يوديك
صرت ليهو واتلفتت علي الجهة التانية..
محمد:يلا عشان مواعيد الطيارة..طيب؟!
شيرين حركت ليهو راسها نظام طيب..
عاين لسمر:ساعديها بلاي
وطلع..
سمر جات عليها:اوووو فرنسا مرة واحدة..شكلو ح يكون ازبط هني موون
شيرين لزتها..
