السلام يا أصحاب ..عارف بعضكم مّل وتعب من الإنتظار لكن المزاج والظروف ماهي على كيفنا دايماً ، رجعنا ببارت جديد مُتمني بإنه يعجبكم ❤️
تجاهلوا الأخطاء راجعت عليه بسرعه ..
" وأنت تلمس روحي بهذا العمق لن يكون صعباً جداً
أن أميّز يدك وهي تمسك بي في الزحام "في بيت فهد .. الساعه ٧:١٩ صباحاً
نزل فهد من الدرج وقبل لايدخل المطبخ التفت على غرفه بدر ، ابتسم من تذكر اللي حصل امس وكيف بدر طرده اول ما استوعب ، مشى لها بخطوات هاديه وفتح الباب
بدر اللي ماقدر ينام عدل غمض عيونه اول ما انفتح الباب مو حاب يواجهه فهد بعد مبادرته ، حس بـ فهد يقرب منه لين وقف عند راسه
قعد على السرير ومد ايده يرفع شعره عن جبينه قبل لاينزل بجسمه ويبوس خده ؛ بروح الدوام عندك هزاع اذا بغيت شي يساعدك لين اجيك واهتم فيك بنفسي
قام ومشى للباب بيطلع واول ماتسكر وراه تنهد بدر وفتح عيونه ، فهد اللي راح للمطبخ وبدا يطلع الأكل ويحط شي بسيط بالصينيه لـ بدر ، دخل سدن اللي كان يركض عليه بسرعه : يبا ترا خلصت
فهد خلص بسرعه بعد ماحاس المطبخ واخذ اغراضه قبل لايطلع من البيت مع سدن ، بينما سعود اللي طلع من بيتهم بسرعه وهو جايهم ؛ فهد
فهد التفت على سدن وحذف مفتاح السيارة : انطرني شوي يبا
سدن طالع بسعود وبعدها ركب السياره يشغلها وفهد وقف قدام سعود : هلا
سعود : بدر شفيه ؟
فهد : حادث بسيط
سعود : ابي اشوفه وينه
فهد ؛ بس تشوفه ؟
سعود تنهد وقرب من فهد : حرق تلفوني اتصالات خلني اخذه واوديه شقته..
فهد : لا
سعود : يافهد اكسر الشر بزر هو تاخذه عندك غصب
فهد : انا وانت عارفين انه يبيني وبيظل عندي ، تدخل تشوفه وتطلع ولو راح لشقته بجي وارده لبيتنا
راح فهد يركب السياره وترك سعود اللي حرك راسه بيأس منهم ودخل بيت فهد ، تلفت بالصاله وهو ينادي بدر بصوت عالي لين سمعه يصرخ من غرفته
؛ بركض لك يعني تعال اانت
مشى سعود للغرفه من سمع صوته وفتح الباب وهو يطالع برجوله : سلامات يالغالي سلامات
بدر اللي كان ماد رجوله واشر لـ سعود : بسرعه قرب
قرب منه وبدر مد ايده يمسك ايد سعود اللي رفعه وهو يقرب الكرسي : وين بتروح
أنت تقرأ
مُتيّـم
Romance( لا أخاف شئ في هذه الدنيا سوى نسيانك أن أنسى ماتبقى بعد رحيلك ) - روايه من أفكار ليليّة ومشاعر قديمة . - روايه قي ( مثليه ) وعامية * - ممكن يكون فيها بعض الالفاظ و🔞 اللي مايعجبكم - ما اعتبر نفسي كاتب وموهوب لكن أحاول أوصل افكاري للاستمتا...