مُتيّـم

نسيان

سلام يا أصحاب

أولاً أتمنى تكونون بخير
وثانياً بقول اللي ماقلته من قبل أنا ممنون لكل شخص يقرأ ويتكلم في الروايه عند أصحابه لكل شخص يشاركني رايه .. لكل اللي يدعموني سواء بالتعليقات والنشر وحتى اللي يسألون عن البارت وينتظروني
كل الحُب لكم ❤️

تجاهلوا الاخطاء البسيطه وإسعدوني بتعليقاتكم ..

" أعبُر بيداي الطريق الشاهِق لثنايا جسدِك ،
‏ أشاهد انتفاضة كبلدٍ أعلنت الثورة "

في شقه بدر .. الساعه ٦:٠٠ صباحاً

صحى بدر منزعج بسبب فهد اللي تحرك وهو يجيب على تلفونه .. فهد قام بسرعه ونهى المكالمه وهو يسحب بوكسره وبنطلونه ويلبس

بدر تعدل بسرعه بقعدته وهو يشوف فهد اللي معطيه ظهره ؛ منو اتصل ليه بتطلع

فهد التفت عليه وهو ماسك بيده تيشيرته : اتصلوا علي المستشفى في حاله لازم اروحلها

بدر عقد حواجبه : الحين ؟

فهد حط تلفونه بجيبه وهو يقول : ارجع نام حبيبي..

بدر قاطعه بغضب : ماني نايم ماصارلنا ثلاث ساعات مع بعض

التفت عليه يطالعه بنظره سكت منها بدر قبل لايتنهد فهد ويلبس تيشيرته : انا الحين مستعجل بطلع

بدر حرك شعره وهو يطالع فهد اللي طلع من الغرفه بسرعه .. انسدح على ظهره ومسح على وجهه وهو متنرفز من انشغال فهد عنه

غمض عيونه يتنهد وبعدها قام بسرعه وهو عاري وحس بألم اسفل ظهره ، تجاهله وسحب المنشفه داخل يتحمم .. طلع بعد ٢٠ دقيقه والمنشفه حول خصره بعد ماسمع صوت تلفونه

انتبه انه نفس الرقم الغريب اللي ارسله ورد عليه : الو

؛ مابغيت ترد علينا

بدر : وانت منو اصلاً

؛ انا واحد من طرف ابو زياد

بدر قاطعه وهو يطفي التكييف : تركت الشغل

ضحك بخفه قبل لايقول : صدقني لو كملت كلامي بترجع نصيبك مو هين ترا

بدر تأفف : مابي الفلوس وامسح رقمي انت وابو زياد ماني ناقصك

سكر بوجهه ورمى تلفونه على السرير وطلع له ملابس قبل لاينشف جسمه ويلبس ، سحب شرشف السرير وغيره هو واللحاف وشاف بإن الوقت مبچر .. وبما إنه مايقدر يرجع ينام اذا صحى فتح تلفونه على نتفلكس يختار أي فلم قدامه يشغله .

الساعه ١٢:٠٠ الظهر

طلعوا من المسجد بعد ما انتهت الصلاة وهم يمشون بجانب بعض ، هزاع اللي كان يسولف مع حمد انتبه على محمد اللي طلع مع خاله وهو مكشر بوجهه