مُتيّـم

نهاية متّيم

سلام يا أصحاب

عارف البعض منكم عنده إختبارات ومشغول في دراسته والبارت طويل حيل عليكم ،  لكن أتمنى في هذا البارت خصيصاً تتفاعلون فيه وتشاركوني آرائكم تجاه كل شي من بدايه الروايه لـ نهايتها .. بما إنه آخر بارت لـ شخصيات روايتنا فـ ودي أقرأ آراء الكل وماظن بتبخلون علي ❤️

استمتعوا ..

                

                   "  لمَّا رآني فِي هَواهُ مُتَيَّماً
                     عَرف الحَبِيبُ مَقَامَهُ فَتَدَلَّلاَ
‏                      فَلك الدَّلاَلُ وَأنتَ بَدرٌ كَامِلٌ
                     ‏ ويحقُّ للمَحبُوبِ أن يَتَدَلَّلاَ  "

كان يطالعهم وهم فوق بعض يتضاربون .. أو بالاصح كان فهد يضرب وسعود مستسلم له ، نزل بسرعه وهو شايف بدر وسدن حولهم

بدر كانت ايدينه تحاول ترفع فهد عن سعود : فهد اابعد عنه

عيون سدن على سعود مو قادر يتحرك من مكانه بينما هزاع جا من جانب فهد وهو يبعده مع بدر اللي سحبه بقوه ودفعه : شفيك انجنيت

صرخ بوجهه فهد اللي رفع ايده وعيونه على سعود : ماسمعته شيقول

طلعت منه ضحكه بإستهزاء قبل لاتحتد ملامحه وهو يرفع صوته : انا احب ولدك وهو حبيبي ! انت منو عشان..

بدر : فهد !

سعود تجاهل الدم اللي طلع من ضرسه وتنفس بسرعه وهو يعتدل بوقفته : شتبيني اقولك ؟ قاعد اقول الحقيقه

قرب فهد لكن بدر صار بينهم وهو منصدم منه لمن حذر سعود وهو يقول بصوت : بتبتعد عنه سعود هذا بزر..

سدن : يباا

فهد تجاهل سدن مايبي يطالع فيه وسعود مسح على فكه وهو يفتح الباب : ماني مبتعد حتى لو هو طلب مني انا ماراح ابتعد حط هالشي ببالك

رفع ايدينه يمسح على وجهه قبل مايقول بقله صبر : اطلع لاتوريني وجهك بعد بهالبيت

طلع سعود من البيت وظل بدر يطالع بفهد قبل لايلحق سعود ، سدن عطى ظهره لأبوه ومشى بسرعه يصعد تارك فهد يقعد ومعاه هزاع اللي بلع ريقه

بعد دقايق كان قاعد على الكنبه ورجله تهتز بحركه سريعه وهو يطالع تحته ، جنبه هزاع اللي كان يطالعه بتوتر وخايف يتكلم بشي .. رفع عيونه يطالع غرفه سدن اللي دخلها مسكر على نفسه الباب وظل الجو في البيت مُربك

انفتح باب البيت بقوه ودخل بدر اللي ماطالع في فهد وكمل طريقه للمطبخ ، فتح الفريزر مطلع ثلج وحطه بقماش قبل لايطلع مره ثانيه

راح للحديقه اللي كان قاعد فيها سعود على الكراسي ، قرب منه ورفع راسه وهو يقول : خلني اشوف