مساء الخير يا أصحابي
رجعنا من بعد غيبه ببارت طويل .. ٢٠ الف كلمه و اتوقع كلمه كثير شوي عليه ؟ هذا آخر بارت بيكون طويل لأنه مابقى كثير على نهايه الرواية ،
عموماً سوو اللي يريحكم سواء تقسيم البارت على أيام أو غيره المهم إنه تسعدوني بتعليقاتكم عليه لاتقصرون أبي أخلص امتحاناتي وأجي أروق عليها ..
وكلّي إمتنان لإنتظاركم ❤️❤️
" أنا رجل حُر ، لم تقيدني إلاّ عينيك "
الساعه ٩:٣٠ صباحاً
طلع من امتحانه وهو راضي وواثق من اللي قدمه .. دخل الكافتيريا يبي ياخذ له قهوه تنشطه من الخمول اللي صابه بسبب قله النوم
طلب القهوه ووقف على جنب ينتظرها تخلص قبل لايسمع صوت اللي وقف وراه : شسويت بالامتحان ؟
حمد التفت على صوت زميله اللي كان معاه بالامتحان وابتسم : الحمدلله سهل وانت ؟
فارس : ولله صعب لكن شكلك اكلت الكتاب
حمد ضحك بخفه وهو يطلع بوكه ويدفع ماخذ قهوته : لو تنوت مع الدكتور راح يتسهل عليك
فارس اخذ بطل ماي ومشى معاه وهو يتنهد : ليه انوت وكل شي معانا شكلي بديت اندم لاني دخلت حقوق
حمد بضحكه : تو الناس باقي كورس ونتخرج
ضحك فارس بخفه وقربوا من البوابه الرئيسيه قبل لايلتفت فارس على حمد : يلا انا بمشي
حمد : مع السلامه
مشى فارس وحمد رفع قهوته يشرب منها قبل لاتطيح عيونه على ناصر اللي كان مستند على سياره السايق اللي موصله ومكتف ايدينه يطالع حمد
حاول يتجاهله حمد وهو يروح لسيارته قبل لايستند ناصر على عكازه ويمشي له : حمد
تنهد والتفت عليه شايف كيف إن ناصر للحين مايقدر يمشي عدل بسبب ركبته : هلا
ناصر قرب منه ورفع نظارته الشمسيه قبل لايسأل : خلصت امتحانك ؟
حمد : اي
ناصر : شسويت فيه ؟
حمد : الحمدلله زين
ناصر : اجل شرايك تاخذني معاك مدامك خلصت
حمد : مو هذا السايق ينطرك !
ناصر : سواقته مو حلوه ويضيع
حمد : وانت جاي معاه عشان انا اوصلك !
ناصر : اي شفيها خلصت امتحاني ومريتك اتطمن..
حمد : اجل خله يوديك البيت ترا مو زينه لك الوقفه
ناصر : تخاف علي ؟
حمد تأفف ومشى معطيه ظهره قبل لايحاول ناصر يلحقه بسرعه ويصرخ من الالم .. التفت وقرب بسرعه منه يحاوطه مخليه يعتدل : تعورت ؟
أنت تقرأ
مُتيّـم
Romance( لا أخاف شئ في هذه الدنيا سوى نسيانك أن أنسى ماتبقى بعد رحيلك ) - روايه من أفكار ليليّة ومشاعر قديمة . - روايه قي ( مثليه ) وعامية * - ممكن يكون فيها بعض الالفاظ و🔞 اللي مايعجبكم - ما اعتبر نفسي كاتب وموهوب لكن أحاول أوصل افكاري للاستمتا...
