مُتيّـم

وَجْد

صباح الخير يا أصحاب
وأتمنى لكم قراءه مُمتعه ❤️

في بيت سند .. الساعه ٥:٣٠ صباحاً

كان قاعد على سريره يحاول يتجاهل صوت المطر اللي سب له إزعاج مع صوت الرعد .. شرب من كوب الشاي اللي بيده وهو سرحان بتفكيره

التفت على هزاع اللي كان نايم بملابس خفيفه واللحاف على الأرض .. تنهد وقام يحط الكوب على الطاوله ويرفع اللحاف يغطيه عدل

اخذ كوبه ومذكرته ومشى للباب قبل لايفتحه بهدوء ويروح للصاله يقعد فيها .. فتح المذكره يراجع بما إنهم بفتره امتحانات الفاينل

ظل يراجع على معلوماتة لمده لين سمع صوت باب غرفه الجد اللي كانت بالدور الأرضي ينفتح .. ميل راسه يطالع وعقد حواجبه لمن شاف جده يفتح الباب ويطلع

قام من مكانه بسرعه ومشى له وهو يقول : وين تبي تروح

الجد التفت على سدن والتفت حوالينه وهو يحاول يتكلم .. قرب سدن منه وطل بالغرفه وشاف باسل اللي كان نايم بالارض وكتبه حوالينه والواضح إنه من التعب ماسمع جده

سدن : قولي شنو تبي وانا اجيبلك

الجد استند على ايد سدن وهو يقول : جوعان ابي ريوقي

سدن مشى معاه للصاله وهو عارف بإن الخادمه تقعد بوقت متأخر : انا اجيبلك بس اقعد هني .. شنو تبي تاكل

سأل جده وهو يقعده على الكنبه والجد حط ايدينه على ركبه وهو يقول بصوته المُتعب : بيض وخبزه وشاي مثل ماتسوي امك

عرف سدن ان الجد ظنه احد من عياله وهم صغار .. أومأ وتركه بالصاله وراح للمطبخ ، فتح الثلاجه يطلع بيضتين وكسرهم يخلطهم وهو يحط المقلاه على النار

راح يتطمن ان جده بنفس المكان ورجع يقلي البيض وهو يتنهد .. هالأيام مُتعبه بالنسبه له من إختبارات لآخر سنه دراسيه ومن مشاعر تورط فيها

خلص وسخن الخبز قبل لايجهز باقي الصينية ويطلع من المطبخ .. قرب من جده اللي كان قاعد على الارض ؛ خلص الريوق

الجد طالع بالأكل بعدها بسدن اللي اخذ قطعه من الخبز فيها بيض ورفع ايده يعطي جده .. والاهتمام ماكان من مشاعر تجاه جده كونهم التقوا متأخر كثير ولا عاشوا ذكريات .. لكن كان يهتم لأنه شخص مريض وعاجز حتى عن الأكل فمن واجبه يساعده

انفتح باب البيت ودخل فهد اللي كان راجع من دوامه .. ترك الباب مفتوح لسعود اللي كان واصل وراه ومشى بإتجاه ابوه وولده بعد ماشافهم

؛ صباح الخير

سكت ابوه وهو يطالعه بينما سدن رد بإبتسامه : صباح النور

تلاشت ابتسامته لمن دخل سعود وسكر الباب وتقدم لهم وهو يسلم على جده ويبوس راسه ؛ صباح الخير ياوجه الخير