مسائكم ورد غوالي
الفصل الخامس عشر
من رواية سمراء
بقلم
نور الأسدي
*********************
چا ظليت..
ماتدريني انه شظليت
(جمرية بمطر) عافوها اليسهرون
هفتت وانطفت..ماتت
خذتني الريح..وانطشيت
*************
ليلتهة راح عمو ينام واني هم رحت حتى بلكي تغمض عيني وانام لكن مااجاني نوم للصبح واول ما صبح الصبح مانحس غير الباب مكسور والبيت متروس شرطة وكلهم مسلحين
صاحت امي ومانحس غير واحد ضارب رصاصة بالهوة
وصاح ابو حسين طلع الافراري من يمك ترة مااحسب حساب للصداقة واخذك مكانة
حجة عمو وكال على بختك ابو جواد تعرفني اني اسوي هيج لو جان هنا اطلعة حتى لو ابني بعدين هاي البيت كدامك فتش واذا لكيتو اخذوني وياه صدك جذب اني البد عدو الريس الله يحفظة
حرك شواربة الضابط وكال ونعم منك ابو حسين عناصر انسحبو مادام كال ماكو هاهية ،
لكن عمي كال ابو جواد هيج طلعون بلا مانضيفكم مايصير
ضحك وكال ماحاج ابو حسين اني اعرفك كل الزين وعود عزومتك ضمها لغير يوم واعزمني على سمج من ايد ام حسوني
ضحك عمو سامي،وكالة من عيوني ابو جواد تدلل انت
طلعوا وكعدت اني على بايات الدرج من الخوف وفجاءة مانحس غير شخص طالع من غرفة اخواني باوعلة عمو وعاط بي انت شتسوي هنا؟
رجفت ايدة وكال خوية مادريت وماحددت اي بيت جان همي اشرد منهم بس والله يستر على عرضك خليني اروح لان بس يلزموني مايرحموني واكيد يعدموني
اتنهد عمو سامي وكالة امشي خوية اشرد من السطح ولا تخلي احد يشوفك لان ماعايز مشاكل اني ومثل ماتشوف عندي عائلتي واخاف عليهم
كالة رحمة الله والديك وراح طافر من الحايط على البيت الثاني
باوع النة عمو سامي وكال خلاص لاتخافون انتهت
رحنة وكتها اني وامي انحضر للتعزية الي تريد تسويها للبيت الجديد وعفنة عمو واخواني ينامون
بعد ما كملنة شغلنة طلعت امي تعزم النسوان المنطقة ومنها تتعرف عليهن
بيومها عمو اخذ حسوني وزيودي وطلع وبقينة بس احنة بالبيت للوحدة الظهر البيت انترس نسوان وجانت امي مسوية لفات كباب طبت الملاية وبدت تقرة اني جنت واكفة بالباب فجاءة :
شفت مرة عجوز طبت للبيت وتدور رادت اطب للمطبخ اجيتها كتلهة ها خالة شتردين؟
جان تباوع علية وتكول معليج انتي وخلت وطلعت جان اشوف ماي ابيض بالعتبة مالت الباب مشيت وفتحت الماي عليه ردت اغسلة بس بي ريحت زفرة عبالك مي واكع من علاكة مالت سمج المهم غسلتة وطفر منة على رجلية ،شطفتهن ورجعت للداخل لان الملاية خلصت ،حضرت الجاي ووزعتة والنسوان كلها عيونها عليها وهي هاي بتج وشكد عمرها وتدرس لو لا ومن هالحجي ،
أنت تقرأ
سمراء
ChickLitسمراء كحلاء العين عودها عود غزال بري سبحان خالقها في الحسن ليس لها شبه ياصاح ان الحي به وحوش اكلت براعم احلامنا ودفنت بقايا انوثتنا تحت السنتهم ياصاح لوثت حين اقتربت ذات يوم منهم قتلوا برائتهم هناك وارتدوا اقنعة الوحوش عديمي الانسانية امسكوا ح...
