المكتوب(كاملة 💗)

⁦♠️⁩البارت4⁦♠️⁩

#الــــمـــــكــــتـــوب

✒️📖 #بـــقـــلـــم: #بـــخـــتـــة_لــحــويـــشــي 📖⁦✒️⁩

⁦♨️⁩الــحــلــقــة04:

•{عانقوا كل الأشياء التي تُبقي مزاجكم مزهراً ، تأملوا الصباح وابتسموا}•🌸💜☄

كوبات عليه ووقفت تجري دخلت توالات وغسلت وجها وراحت لكوزينة لقات يماها تغسل في الماعن....

سارة مع روحها:ياربي ياربي مادير والو.... راهي تغسل في الماعن اكيد باش تقلب دنيا عليا...

تنفست مليح ودخلت وهيا تتبسم بتبهليل...

سارة:بونجوغ ماماتي...

شافت فيها شوفة خلات سارة تبلع ريقها... راحت دير في حليبها...

سارة:ماما وينو السكر....

صفاء: واش راكي من نيتك تسقسي.... تنوضي نص نهار لي يشوفك يقول عليك راجل ماشي مرأة...وزيد باش تنوضي كيما لالياتك تخدمي بقيتي ساعة في توالات لي يشوفك يقول كنتي تولدي تماك... ولا ماش كاش جن ياخذ فيك... وزيد تجي بوجه صحيح وينها السكر واش رايك نشربك ماشي خير...

نحات يدها من الصابون ورفدت تدعي....

صفاء: ياربي انا واش درت باش تبعتلي هذي....لي يشوفها يقول حياتي كامل وانا ندير في الشر باش ربي بلاني وحدة كيفها...

سارة:خلاص ايما كان غير مسقسيتش على سكر...نشربها مرة ولا هذا العياط كامل...

شافت فيها شوفة تع تزيدي كلمة نجي ليك نغرسك في بلاصتك عادي....

صفاء:معامن كنتي تحكي...

بلعت ريقها حتى سمعت صوت ختها كي دخلت تجري لكوزينة...

امال:انا عيطتلها في تيليفون باش تنوض باسكو كان معيطتلهاش جامي تنوض...

سارة:ايه كنت نحكي معاها....