المكتوب(كاملة 💗)

♠️ البارت11♠️

#الــــمـــــكــــتـــوب

✒️📖 #بـــقـــلـــم: #بـــخـــتـــة_لــحــويـــشــي 📖⁦✒️⁩

⁦♨️⁩الــحــلــقــة11:

•ابتسامته تجعلُني أبتسم 💗🧸

حكى باش يبدل الموضوع.. خاطر حس روحو ڨراف مغموم وصل لدرجة خايف يخسرها صح... بصح ردها صدمو بالحق اول مرة تحكي بهذي طريقة..

سارة:علبالك سامي نحب نشكرك بزااااف... عارف علاش نشكرك خاطر كنت انسان مختلف على رجال كامل.. كانت عندي فكرة على رجال كامل غالطة كنت نحسب بلي كامل يمشي بشهوتهم.. وكامل يهمهم زين ولطاي عليها عمري لا خممت ندخل في غولاسيو ولا نحب ولا نتحب بصح نت لا... وقفت معايا في كلش عمرك لا خممت تأذيني ولا حتى تبوسني محال ننسى بلي كنت تعشقني لا تموت عليا لدرجة تفضلني على روحك.. عمرك لا شفت في هذيك شوفة وعمرك لا طلبت مني فوتو كيما لوخرين.. نت ماشي غير نحبك راني نموت عليك.. صباح قتلك مكتوب ايه مكتوب مانيش ضامنة اسكو نتزوجو ولا لالا بصح اعرف بلي نحبك...

سامي:سارة..

بقى يسمع شوكاتو اول مرة تحكي سيريو...

سامي:شبيك اكي مليحة ..

سارة: منقدر نحكي دوكا والو حتى نتأكد ونشوف..

سامي:من واش تتأكدي احكيلي مانيش فاهمك والله..

سارة:ماشي لازم تفهمني حبيبي حس بيا برك بزاف حس بحبي ليك.. حس بلي صح نعشقك وهذاك هو صح..

سامي:وانا تاني اعرفي بلي نموت عليك صح ماناش عارفين لمكتوب بصح رغم كلش حنا نعشقو بعض..