المكتوب(كاملة 💗)

♠️ البارت17♠️

#الــــمـــــكــــتـــوب

✒️📖 #بـــقـــلـــم: #بـــخـــتـــة_لــحــويـــشــي 📖⁦✒️⁩

⁦♨️⁩الــحــلــقــة17:

🃏حرب نفسية🤗 قتلت مشاعري💙 وبينما لم تقترب الحرب من قلبي⁦❤️⁩ كان هو يبكي😭 على ما دمرته وقتلتة😟 تلك الحرب🃏

راحت جبدت حيجاب ديالها لبساتو مع خيمار .. وراحت للكوزينة وين كانت يماها ..

سارة:راني خارجة ..

صفاء:وين ..

سارة: تغميت برك حابة نخرج ..

صفاء:اوكي مطوليش..

خرجت وبعتت ميساج على لبلاصة لي يتلقاو فيها.. مرتاحة معاه للخر يعني حتى تروح معاه للغابة ولا لدارو عارفة بلي عمرو لا يخمم انو يأذيها ولا يخمم فيها تخمام ناقص..

راحت لتل عالي وتحت منو بحر.. بقات تشوف فيه وهيا تخمم حتى سمعت صوتو ..

سامي:طولت عليك واقيل..

سارة: لا عادي...

سامي:راكي مليحة؟

سارة: الحمد لله ونت..

سامي:عايشين ونجوزو في لوقت حتى يكتب ربي يتغير حالنا..

سارة: أن شاء الله..

قرب ليها وهو يشوف فيها هيا.. ماشي عارفة وقتاش وصلو لهنا.. من وقتاش يحكو برسمية..

سارة:وقتاش..

سامي:كي رجعوا يتحكمو في حياتها..

قربت ليه ديركت ترمات عليه عنقاتو .. تزير عليه وهو زير عليها بدات تبكي .. محستش وقتاش بداو دموعها يطيحو.. تبكي وتقول مبكيتش وهو بقى مزير عليها يحب يعطيلها شوي من الامان.. سبحان الله دنيا كيفاش تمتم تتغير.. غير صباح برك كانوا يتمعشقو ودوكا معنقها وتبكي.. شكون بلي راح يتغير هذا شي ..

سارة:صباح كيفاش كنا ودوكا.. كان غير مت صباح وانا فرحانة خير من راني نتعذب..