المكتوب(كاملة 💗)

♠️البارت14♠️

#الــــمـــــكــــتـــوب

✒️📖 #بـــقـــلـــم: #بـــخـــتـــة_لــحــويـــشــي 📖⁦✒️⁩

⁦♨️⁩الــحــلــقــة14:

هل أحبّته فعلا :
هي نفسها لا تدري ،معظم الذين يعتقدون أنّهم يعيشون قصة الحب ،هم في الواقع يعيشون وهم الحب

الحب أكبر أكذوبة في هذا العالم
نحن لن نعيش سوى بدايات ميتة قبل ولادتها ...♡

راح لكوزينة طيب كاس اتاي ليماه وليه وراح ليها قرب ليها وسلم على راسها..

سامي: وشراكي لحنانة راكي مليحة؟؟

دورت وجها بتشناف...

ربيعة: اخرج مانيش حابة نشوف وجهك..

شد وجها ودورو وليه ورجع سلم على راسها...

سامي:يما حابتني نموت؟ نتي اكتر وحدة عارفة بلي انا عايش ليك برك عايش علجالك كان متكونيش في حياتي نقدر نموت عادي تعرفي واش يعني نموت؟ يعني تخسريني..

شافت فيه وهيا عينيها مدمعين كيفاش لا وهيا تسمع في وليدها كبدتها يقلها نموت.. شدت وجهو وبقات تحرك في راسها بالنفي..

ربيعة:نت واش بقيتلي في دنيتي اذا روحت راح تظلام عليا.. ان شاء الله نموت قبلك اوليدي مانيش حابة نموت زوج مرات..

سامي:ربي يطول في عمرك ويحفظك ليا اميمتي..

عطالها كاس لاتاي بدات تشرب وهو يشوف فيها كيفاش غير قال نموت كيفاش بدات تبكي.. قد ماتكون الام قاسية بصح تبقى احن انسانة على ولادها.. هو عارف بلي خايفة برك سارة تسرقو عارف بلي تحبلو لخير ليه وبزااااف...

سامي:يما..

ربيعة:وي وليدي...

سامي:سارة والله بنت هايلة راح تحبك..

حطت كاس تع لتاي وقفت بالسيف...

ربيعة:يعني راك دير كامل هكدا علجالها.. يعني ماشي علجالي غير باش تكون مرتك .. يعني قبل لا تتزوج راك دير كامل علجالها؟؟

سامي:يما...

ربيعة: اخرج منا ومتزديش تحكي معايا حتى نهار تجي تقولي يما ارواحي اخطبيلي بنت خالتي...