المكتوب(كاملة 💗)

⁦♠️⁩البارت8⁦♠️⁩

#الــــمـــــكــــتـــوب

✒️📖 #بـــقـــلـــم: #بـــخـــتـــة_لــحــويـــشــي 📖⁦✒️⁩

⁦♨️⁩الــحــلــقــة08:

••كبرياء الأنثى صعب؛ قد تهجرك وهي لاتريد غيرك عزيزي 😴💜🌿

سامي:ان شاء الله اميمتي ان شاء الله....

دخل لكوزينة جا كاس ما بارد وشرب وهو متخوف انو يفتح معاها هذا الموضوع جبد كرسي قعد قدامها وبقى يشوف فيها... شافت فيه باسكو عرفت بلي كاين هدرة في فمو...

سامي:يما مانيش عارف كيفاش راح نحكي ولا كيفاش نبدا بصح لازم نحكي...

ربيعة:تفضل وليدي احكي غير الخير....

بقى يلعب بيديه وتنهد وشاف فيها...

سامي:انا راني مع وحدة من سنين اسمها سارة يما علبالي تقولي لا بصح والله هيا ناس ملاح وزيد نحبها...

ربيعة: علبالك واش راني نشوف...؟

سامي:واش...؟

ربيعة: نشوف في خوك لي قبل سنين قالي نفس الهدرة بصح في الاخير وينو قووووليييي وينو خوك داتو لي يحبها ولي ناس ملاح...

سامي:يما سارة ماشي كيفها...

وقفت وهيا تركز وشافت فيه وهيا دموع في عينيها...

ربيعة:من غير بنت خالتك سميرة مراح نقبل حتى وحدة....

سامي:كيفاش هذي يما نحب طفلة وهيا تحبني وفرحتي راح تكون غير معاها....

ربيعة:غير هيا متدخلش داري...

سامي:يما وشبيكي سنين معاها أمبعد نرميها باش نولي ماشي راجل...؟

شافت فيه وبدات تبكي.. .

ربيعة:هسخط هارضى اذا ديت بنت خالتك دعوة الخير غطاك وفراشك....واذا ديت هذي لي تحبها ماني يماك ماك وليدي....

ودارت بيديها هذيك لقطة كشغل تع مسحتهم ودخلت لشومبرا...