المكتوب(كاملة 💗)

♠️البارت15♠️

#الــــمـــــكــــتـــوب

✒️📖 #بـــقـــلـــم: #بـــخـــتـــة_لــحــويـــشــي 📖⁦✒️⁩

⁦♨️⁩الــحــلــقــة15:

عــائـلـتـگ لا يـهـمــهـا مـاذا يــحـدث لــگ فـقـط هـمـهــآ نـظــرةة الـمـجـتـمـع إلـيــگ... ♡

#عند_سارة:

غير كملت الهدرا معاه راحت تجري لدوش غلقت الباب وبدات تبكي.. احساس لي تحس بيه الحروف الابجدية مراحش توفي ليها ومراحش تكفي باش تحكي واش كاين ولا واش تحس.. تشوف في وجها في المرايا عينيها ووجها حمورا .. تنهدت..

سارة:حتى ولوكان مراحش تكون ليا في هدي دنيا ان شاء الله نكونو مع بعض في وقت اخر..

غسلت وجهة وتنهدت وتبسمت.. وخرجت راحت ديركت قعدت وسط باباها يماها..

سارة:وي راني نسمع فيكم.. قلتو بلي عندكم معايا هدرا..

محمد(باباها):جاني واحد خطبني فيك وانا قبلت...

عضت على شاربها ماشي عارفة واش تقول كلمة انا قبلت يعني خلاص مكاش هدرا بعدي..

صفاء(يماها):يابنتي سمعتي باباك واش قال وجابلي ربي نتي مراحش طيحي بكلمة باباك وسط رجال..

طلعت راسها وهيا تتبسم معاهم...

سارة:معليش نسقسيكم حاجة وحدة...

محمد:سقسي..

سارة:راكم تسقسو فيا اذا نقبل..ولا راكم تخبروني بلي راح نتزوج؟

محمد:انا مديت كلمة وسط رجال.. اذا رفضتي راح نعرف بلي كلمة باباك ماتهمكش كامل في حياتك سوا هو يقبل ولا لالا مراحش يفرق عندك.. وهنا مذابيك غير انساي بلي عندك باباك تولي ماكي بنتي ماني باباك..

سارة: قابلة..

وقفت وراحت لشومبرا.. رفدت تيليفون ديركت عيطت لصحبتها...

بختة:وي مرتي راكي مليحة..

سارة:انا ليوم متت ههههههه.. ليوم صحبتك ماتت..

بختة:سارة واش كاين احكيلي...

سارة بقات تحكي لبختة وهيا تضحك وبختة غير تبكي على صحبتها خاطر هيا الوحيدة لي تعرف شكون سام بالنسبة ليها...