المكتوب(كاملة 💗)

♠️البارت9♠️

#الــــمـــــكــــتـــوب

✒️📖 #بـــقـــلـــم: #بـــخـــتـــة_لــحــويـــشــي 📖⁦✒️⁩

⁦♨️⁩الــحــلــقــة09:

" وعندما احتضنتك قلت لك هاذا مكان ينقصني "🥺💜💍

عض على شواربو ماشي عارف واش يدير حس روحو مربوط.. يحب سارة لا يعشقها يموت عليها.. بصح حبو لسارة ميوصلش لربع حبو ليماه.. ميقدرش ينسى شحال تعبت عليه وشحال خسرت صحتها علجالو وشحال ضحات علجالو وعلجال خوه... كان femme de ménage.. غير باش يزيدو ملاح غير باش يكونو مرتاحين.. وخوه غير كبر وتزوج مرتو داتو وهو سمح في يماه مرجعش كامل يسقسي عليها.. تغيضو بزاف يماه كي ترفد فوتو ديالو وتبقى تحكي وتبكي.. عارف بلي خايفة سارة تديه بصح هو متأكد هذي مراحش تكون خدمة سارة متأكد بلي راح ديرها يماها وراح تحبها بصح يماه ربي يهديها ماشي حابة تفهم...وقف وتنهد رفد تيليفون عيط لسارة... غير ردت تنهدت وهو يخمم ..

سامي: توحشتك..

سارة:حوجي يانا ياك غير قبيل كنا نحكو ديجا وصلت تتوحشني ..

سامي:حتى كي نكون نحكي معاك نتوحشك.. ونتي بين يديا وفوق صدري ونتوحشك كيفاش ونتي بعيدة..

سارة:حوجي على رومنسية راح نذوب.. بصح مين جاتك هذي رومنسية كامل..

سامي:سارة...

بقات تسمع عرفت بلي راح يحكي حاجة خاطر كيفاش نطق اسمها باين مهموم بزاف.. اصلا مالف يضحك معاها .. ودوكا كيفاش يحكي بلبارد ومن لفوق يبان صفا پا كامل..

سارة: روحها وشبيك اني حساتك كامل ماكش مليح غير احكيلي راني نسمع..