المكتوب(كاملة 💗)

⁦♠️⁩ البارت 7⁦♠️⁩

#الــــمـــــكــــتـــوب

✒️📖 #بـــقـــلـــم: #بـــخـــتـــة_لــحــويـــشــي 📖⁦✒️⁩

⁦♨️⁩الــحــلــقــة07:

تعبت من كوني دائما أنا الذي أحاول إنقاذ علاقتنا 💨💜🥢

#عند_سامي:

دخل لدار وهو يتبسم كيفاش لا وهو كان يحكي مع بنت قلبو وهو كان يحكي مع اكثر بنادم كي يحكي معاه يحس براحة كبييييرة....ضحكة ماشي مفارقة وجهو قبلاتو يماه قاعدة دير في بومادة في رجلها قرب ليها وتبسم معاها...

سامي:لحنانة وشبيكي...؟

ربيعة:راك تعرف اوليدي حالة الكبر وزيد خوك لكبير من تزوج بمرتو مزادش بان راهو في 4 سنين مرتو حالفة عليه ميجيش ليا....

سامي:اميمتي واش ديري ربي يهديها ويهديه...

شافت فيه وبدات تبكي....

ربيعة:شفت هذا لي تزوج بلي يحبها زعما كان تزوج بنت خالتو شهد كان راهو لاباس بيه بصح هو خير هذيك لعقرب لي بعداتو عليا...

قرب يديه من وجها وبدا يمسح في دموع....

سامي:متبكيش علجالو باسكو دموعك غاليين وهو رخيس...

شدت وجهو بين يديه وسلمت عليه...

ربيعة:ربي يخليك ليا اوليدي...من مات باباك وانا صح عيت باش كبرتك بصح وقفت نت معايا بعد ماكبرت ورجعتلي خيري....

سامي:كان نبقى تحت رجليك طول عمري مراحش نقدر نرجعلك غير شوي من التعب لي تعبتيه عليا ولا واش درتي....

شافت فيه برضى وبقات تلعب بشعرو وهيا حاسة بفرحة كبيرة بوليدها....

ربيعة:ربي يخليك اوليدي ويطول في عمرك ويحفظك...