المكتوب(كاملة 💗)

♠️البارت10♠️

#الــــمـــــكــــتـــوب

✒️📖 #بـــقـــلـــم: #بـــخـــتـــة_لــحــويـــشــي 📖⁦✒️⁩

⁦♨️⁩الــحــلــقــة10:

" وليس له عِلم بالطب "ولكنه يداوي جراحي 😩💜💍

ماشي عارف واش يحكي.. بصح شي فوق طاقتو حاب يحكي باش ميحسش بلوم على روحو .. حاس بلي راح يكون آخر مرة يحكو بتمعشق هكدا..

سامي:سارة معاك واش عشت محال نقدر ننسى واش جوزت معاك ماشي حاجة ساهلة ولا تتنسى نحبك فوق الحب عشقا.. نموت عليك والله عمري لا تخيلت أني نطيح على راسي ونولي نحب هكدا متوقعتش بلي نقدر نعشق انسانة لدرجة نولي حاب غير نحكي معاها غير نشوف فيها.. نقدر نسمح في العالم كامل غير يما ونتي منقدرش.. تعرفي واش يعني غير فكرة وحدة فيكم تكون بعيدة عليا تجيني صعيبة..

ماشي عارف اصلا واش حكى ولا واش قال بصح حاب يأكد حبو ليها برك.. حاب يطمنها بلي يحبها وهيا تسمع مصدومة.. صح مالفين يتمعشقو ولا نقول هو خاطر هيا باردة بصح كيفاش ليوم يحكي حست بلي يحكي من كل قلبو..

سارة: سامي حبيبي راك مليح..

سامي:من نيتك تسقسي ونتي بعيدة عليا اكيد مراحش نكون مليح..

سارة:ان شاء الله عن قريب نولو مع بعض وتوجور من بعض...

تنهد وحس بلغصة لي في قلبو زادت عليه..

سامي:ان شاء الله اذا كتب ربي واذا كان فيه خير ليا وليك..

سارة: ان شاء الله..

سامي:يعني أنا تمعشقك معاك كامل ونتي تقولي راك مليح ..