اعزاز الروح

بارت الخامس

#اعزاز الروح

الكاتبه يميم

أنتَ  لاتعرف معنى أن تكون شخص يتجاوز
كل ماحولهُ وهَو صامت ،
يتجاوز ، يتجاوز بكُل هدوء
حتى تعتقد عندما تراه أنهُ لم يتعثَر يوماً.

✨✨✨✨

كعدت منهاره بل كاع ابجي احس اختنكت اريد اطلع منا هذولي مو أهل مستحيل اكو أهل يسوون ببنتهم هيج ..

انظر كيف أن حزنك لا يغير شيء، فلا زالت الشمس تُشرق، ولازال الناس يسيرون ويضحكون، ولا زالت نشرة الأخبار تنقل كل الكوارث عداك.

مرت فتره عازله نفسي عن الكل ماريد اشوف احد ولا اسمع شي من أحد ...اروح للكليه اكل هناك وارجع اقفل باب غرفتي ..بقيت هيج ايام وايام مااحجي وياه اي شخص ..اخويه يوصلني وتركت خط بطلب من أبويه ..وانسحب موبايلي انكطع اي تواصل بيني وبين حيدر ولي عرفت راح الدوامه ..وحتى شغف ماخلوها توصل الي ..رغم هي جانت تتعارك وياهم علمودي بس كل هذا ماثر بيهم ولا هز شعره منهم ..جرحي كل يوم يكبر ..صار موضوع عناد بعناد وماتنازلت ..من شافو ماكو فائده من كل هذا كعدوني من كليه ماخلوني اداوم ..بقيت ساكته ماحجيت شي رغم موضوع جرحني هم يعرفون شكد مهمه كليه بنسبه الي وهذا حلمي ومع ذلك داسو على حلم من احلامي للمره ثانيه

أنا تلك الزهرة الضائعة،
‏التي تنمو على ضِفّتيك..
‏خاشعة وصامتة،
‏ربيعاً وراء ربيع . 🌿
‏
‏-ألفونسينا ستورني .

ماتنازلت بقيت ثابته على موقفي ..ماقبلت أضحي بحب حياتي حتى لو تركت سنه ..من انجمع اني وحيدر راح يخليني اكمل دراستي ويعوضني عن كلشي صار هاي فتره ..يستاهل أضحي سنه من عمري ..يستاهل ابقى محافظه على حبه

بس لي ماتوقعته ولا حسبت اله حساب ..يستغلون حبي لشغف وخوفي عليها كنقطه ضعف .. جانت هاي قشه كسرت ظهر بعير هه..

ام نار: سمعي عندج خيارين بس تردين حيدر تتزوجين شخص مناسب متقدم الج أو تبطل شغف وتكعد بل بيت حد مايجي نصيبها

نار:نار شعلت بيه ماكدرت اسكت وتمثل برود واني اشوف امي جاي تخيرني بين حب حياتي ومستقبل اختي !!!

جاي تخيريني بين حبي واختي! تعرفين جاي تحجين تريدين دمريني اني وشغف خاطر منو علمود منووووو جاوبيني علمود بنتج مريضه بدل ماتوكفين وياي وسانديني جاي تذبحيني ..معقوله لا اني ولا شغف نعني الج شي

ام نار:كافي ماراح تفهميني اني ام مااكدر اشوف بناتي جاي يتعذبن هذا حل وحيد إذا زوجتي اختج تموت مااكدر أضحي بيها ..فهمتي مااكدر انتي قويه راح تجاوزين كل هذا متاكده وشخص متقدم الج مناسب خوش ولد وبمرور زمن راح تحبي وتنسين حيدر ويرجع كلشي بمكانه صحيح وانتهى عندج منا لليل تنطيني قرارج مفهوم

نار:دارت وجهه تريد تروح
كتلها.. موافقه
دموع بعيوني ترفض تنزل كبريائي وكرامتي مايسمحن إلي أنزلهن اريد اصرخ بأعلى صوتي ..