#اعزاز الروح
الكاتبه يميم
ثمـة ذكريات لاترحل...
تمـر السنين وتبــقة عصيــة ع الـنسـيان ..
وبيـن الذكـرئ،والنسيــان..يعيش الانسان..
امـا مستسـلما، وأمـا مقاومـا ...
مـا مضئ لـن يعـود ...
والحــياة لاتنتظـر أحد ...♥️
✨✨✨✨✨✨✨
نار:كعدت صبح تعبانه مالي خلك كلبي يوجعني مامرتاحه ..غسلت ورجعت ماطلعت من غرفتي موبايلي دك رحت اشوف منو رقم غريب مارديت شويه وانكطع واجت رساله عرفته سجاد رجع خابر رديت
سجاد:الو
نار:هلو
سجاد:شلونج
نار:تمام
سجاد:اني هم زين
نار:سكتت ماعندي رد
سجاد:وينج
نار:احمم موجوده
سجاد:جهزي نفسج عصر نطلع
نار:ليش
سجاد:شنو هو ليش
نار:قصدي شنو سبب طلعه لن مابيه حيل تعبانه
سجاد:من اولها تعبانه؟؟مايصير هيج نار وإذا على سبب طلعه اكوهوواي اسباب حتى نتعرف وتتعودين عليه ونجهز هاي أسباب مو كفايه ؟
نار:تمام ساعه بيش
سجاد:بل ٤ زين بنسبه الج
نار:اي
سجاد:ماشي اعيفج ترتاحين باي
نار:باي
قفلت منه بقيت كاعده اباوع من شباك مااعرف وين حياتي راح توديني ..وشراح يصير بعدين ..معقوله كلامهم صح انسى واعيش وكانو حيدر مادخل حياتي يوم من ايام ..معقوله ارتاح..يو ذنب حيدر وكسرت كلبه تبقى وياي ...
شويه دخلت شغف يمي ساكته ماعدها شي تحجي ولا اني عندي شي بس بلغتها بطلعه وكامت تختار شنو اللبس تحاول تبين كلشي عادي بس اني اعرف وهي تعرف ماكو شي جاي اعيشه عادي وطبيعي ..مر وقت واجه سجاد نزلت مابلغت اهلي لن مايهموني وهم تفاجئو بس حاولو مايبنون هذا شي طلعت وصارت عيني على بيت حيدر ..شراح يكون رد فعله يوم يرجع ويعرف بلي صار راح يفهمني يو يعتبرني خاينه ..لي يضحك انو اللازم انسى هو بيته بصف بيتنا ..
تنهدت وصعدت بسياره ...حاول يفتح مواضيع هواي بس جنت ارد على كد سوال بس افترينه واشتره الي شكم شغله على ذوقه ماجان عندي نفس اسوي شي .. يمكن جاي اظلم سجاد وياي هو ماله ذنب ..حقه يعيش فتره خطوبه حاله حال اي شاب بس مو بيدي شي خارج عن ارادتي .. رجعنه وطريق كله ساكتين وصلني يم باب بيتنا نزلت رفعت راسي شفت اخر شخص اتمنى أشوفه جنت بوقف صعب واكفه بين حبيبي اختاره قلبي وخطيبي اختارو اهلي ...
جانت نظرات غضب وعتب عيونه حمر بقيت واكفه مااعرف شسوي احس انشليت ..حاولت امشي بس ماكدرت عيني بعينه ..حد مااجه سجاد يمي لزمني سئلني شبيه باوعت لسجاد ورجعت نظري لحيدر هز راسه بأسف ودخل لبيتهم ..تمنيت موت بهاي لحظه ..كلشي حسيت بي من وجع مايجي نقطه ببحر اتجاه هذا وجع حسيت بي هسه ..عفت سجاد ودخلت بسرعه للبيت شفت شغف بل مطبخ شافتني اجت يمي فهمتني من عيوني اني شفته ودخلتني جوه وابويه طلع لسجاد ..دخلت لغرفه اجت شغف يمي كمت ابجي نظرته مااكدر انساها ..
أنت تقرأ
اعزاز الروح
Romanceوهل كان علي أن أدفع ثمن كل هذا ؟ ثمن هذا الوضوح ؟ وبأنني كنت مجرد شخص يحمل شعـور حقيقي تجاه كل شيء ، وفاشل بالتظاهر عكس ما يبدو ! "
