الكاتبه يمامه محمد
البارت ١٥
الكُل بارع في عيش دور الضحية ، بكونه
ليس مذنبًا لا أحد يُظهر نفسه مخطأ وهذه
هي المأساة .
..............
هاله : كعدت صبح كلبي يوجعني كلش رحت غسلت وكفت كدام مرايه صافنه على وجهي اصفر وجوه عيني اسود
صفنت على روحي هاي مو اني قسور أخذ صحتي وعافيتي
هو مرتاح يطلع ويطب ويشوف اهله وأصدقاء واني هنا مثل مسجونه
مستحيل ابقى هيج غسلت وجهي وطلعت للغرفه حضرت ملابس وطبيت سبحت وطلعت تريكت وأخذت علاجي
ودخلت الغرفه شسورت شعري ورتبت نفسي حسيت رجعت للحياه من جديد
اخذت موبايلي وخابرت بابا
بابا: الو هاله شلون بويه
هاله: الحمدالله مشتاقتلكم
بابا:ليش ما تجينه كل مااخابر قسور يكول عندي شغل
هاله:ايي خطيه عنده شغل مضاعف سوده عليه مهم بابا اني خابرتك حتى تخابر قسور وتقنعه يجيبني يمكم مشتاقتلكم هواي وضايجه وحدي ولا تكله اني كتلك حباب
بابا:تدللين بويه وحتى لو مااكدر يجيبج اني اجي عليج
هاله:تمام راح احضر نفسي وانتظرك خوش مو ما تجي
بابا :شلون مااجي شكم هاله عندي اني
هاله: حبيبي يله اروح اتحضر باي
بابا :الله وياج بويه
قفلته من أبويه رحت جبت جنطه وحطيت بيها شكم لبسه الي واغراضي وذهبي حتى ابات بيت اهلي
وخلي قسور جذاب يركع رأسه بحايط يكول أبويه مشغول جذاب خاين
بسيطه ماشويت على اذنك بصل انت وامك ام مشاكل وبت خالتك خرابت بيوت مااسمي هاله
قطع دردمتي صوت موبايلي رحت اشوف منو لكيته قسور اكيد أبويه خابره
الو
قسور:هاله انتي مخابره اهلج يوم؟
هاله:لا ليش بيهم شي اهلي
قسور:لا مابيهم بس ابوج خابرني يريد اجيبج الهم وجان مصر عبالي انتي مخابرتهم
هاله: هاا لا مامخابره أحد
قسور:خوش حضري روحج راح اجي اخذج الهم وبليل من اخلص شغلي أمر عليج خوش
هاله:تمام باي
قفلته حتى قبل مااسمع رد صوته صار بنسبه الي مقرف إلى ابعد حد سبحان الله جان هو مصدر اماني وسندي هسه حتى صوته مااكدر اسمع احس نفسي راح اتقيئ ايع
بسرعه رحت اكمل أغراضي ولبست وحطيت شويه مكياج بعدين خطر بالي شغله بسرعه مسحته وغسلت وجهي ماعفت قطره
أنت تقرأ
اعزاز الروح
Romansaوهل كان علي أن أدفع ثمن كل هذا ؟ ثمن هذا الوضوح ؟ وبأنني كنت مجرد شخص يحمل شعـور حقيقي تجاه كل شيء ، وفاشل بالتظاهر عكس ما يبدو ! "
