#اعزاز الروح
تقول نسيتَني فحلفتُ كلا
وهل يُنسى المساءُ إذا تجلى ؟
نسيتُ لأجلكِ النّسيانَ حتى
توارى عن مُخيلتي وولّى.
✨✨✨✨✨✨
شغف:مثل كل يوم بمستشفى اكعد على تحاليل واشعه وكيمياوي وتشجيع خواتي واهلي بس لي اختلف يوم هو زياره اخر شخص ممكن اتوقع اشوفه هنا
حسين حسيت صوت دكات كلبي يوصل اخر مستشفى شلون اجه وشلون دخل الغرفه وإذا اهلي شافو شراح يصير كل هاي اسئله بالي وخوف وتوتر
خايفه اوجهه وخايفه يكسرني ليش اجه وشيريد
تقدم وجر كرسي كعد حسيت وقت ماجاي يمشي وتوقف بهاي لحظه
هاجمني شعور جنت اسوي المستحيل حتى انساه وبلحظه وبنظره من عيونه رجع
مجرد وجوده بنفس مكان اني بي بحد ذاته عذاب الي اريده وماريده بنفس وقت
حبه وخذلانه ومرضي واهلي كلهن واكفات بينا
رجعت من رحلة افكاري وذكرياتي بصوته
حسين: شلونج فراشتي
شغف: الحمدالله
حسين:ليش
شغف:شنو هو ليش
حسين:ادري اذيتج وخذلتج بس ليش ماكتيلي ليش كلبج هيج قاسي ليش تردين تحرميني من شوفتج
شغف:حسين هذا كلام ماله داعي واني بعد مالي مكان بحياتك عيش حياتك بعيد عني انساني وكمل
حسين:انساج؟؟
شلون بس اريد اعرف شلون ومنو كال مالج مكان بحياتي
((مكانك لا بكلبي ولا بعيون كل جسمي الك ))
هاي انتي هيج انتي روحي واحد يكدر يعيش بدون روحه
شغف:حسين اني مو شغف قديمه اني جاي اموت تعرف شنو اموت سرطان جاي ياكل جسمي كل يوم شلون تكدر تعيش وياه وحده ميته ماتكدر تشيل كلاص مي ليش تخرب احلى ايام حياتك وياه وحده ايامها معدوده
حسين:كافي كافي ماراح يصير بي شي انتي الي واني الج مستعد اضحي بكلشي علمودج حياتي ولا شي بدونج اني جسد بلا روح هذا كابوس راح ينتهي وترجعين شغف قديمه كلها روح وحياه وحب واني وياج مااعيفج ولا لحظه مهما كان سبب فهمتي هاي مره ماكو شي يخليني اتخلى عنج ولا شي
شغف:ردت اجاوبه توقفت من سمعت صوت باب دخلو ابويه وحيدر استغربت بس بنفس وقت ارتاحيت ماراح صير مشكله جنت خايفه من رد فعل اهلي كلش
حيدر:شلونج خليتينه خايفين وانتي جنج ورد مابيج شي
شغف: الحمدالله زينه بس ردت اعرف شكد تحبوني
أنت تقرأ
اعزاز الروح
Romansوهل كان علي أن أدفع ثمن كل هذا ؟ ثمن هذا الوضوح ؟ وبأنني كنت مجرد شخص يحمل شعـور حقيقي تجاه كل شيء ، وفاشل بالتظاهر عكس ما يبدو ! "
