اعزاز الروح

بارت ١٩

الكاتبه يمامه محمد

البارت ١٩

محدش بيموت من الزعل ، بس الزعل كفيل إن يموت شغلات حلوة جوانا.

✨✨✨✨✨

دكتور:المريضه مع اسف تعارضت وهذا سبب خله كلبها يوكف واحنه حاولنه والحمدالله رجعت

يوم راح تبقى بل مستشفى حد ما تستقر حالتها

محمد:احس مي بارد نزل على كلبي اهم شي عايشه كعدت بل كاع احس بعد مااكدر اوكف على رجليه جسمي برد بقيت صافنه على باب غرفتها

مااعرف لشوكت نبقى هيج عايشين بخوف ولوشوكت تبقى شغف تعاني الم المرض جاي ياكل بجسمها وملامحها بريئه

ماتحركت من مكاني حد ماابويه صاحني رفعت راسي وانصدمت بوجود حسين وحيدر واحد وياهم جبير بل عمر

رحت يم أبويه واني مستغرب وجودهم بس واضح يوم يوم صدمات عالمي

انصدمت من أبويه كال حسين جاي يعقد على شغف 
✨✨✨✨

هاله:بس وصلنه شفنه حسين وحيدر واكفين بره يم أبويه انصدمت باوعت نار دنكت ودخلت جوه وسجاد وكف يسلم عليهم

دخلت وراه نار مستغربه ومن حاجينه امي صدمتنا انو جاي يعقد على شغف

حد ماشغف تخربطت طلعونه بره كلنه جنه خايفين عليها باوعت على حسين شلون خايف ومتوتر وحيدر واكف يهدي بي

حسيت صدك يحبها قليل تلكه بهذا زمن حب حقيقي خالي من اي شوائب

واجه حسين بقينا بره حد ماطلع دكتور وهنا أصر حسين يعقد عليها بس تكعد

صراحه تصرف جنوني مااضن شغف تقبل بس بنفس وقت حلو

بقينا بره واتصل عليه قسور وبلغته بلي صار واجه لمستشفى وهذا جان ناقصني

عاف وضع احنه بي ومرض شغف وبقى مركز بحيدر وبيه من كل عقله عباله احبه أو افكر بي

بحيث ماشال عينه عنه اثنينه وكلسع شالج شعرج تعاي هنا لا توكفين هنا ارجعج البيت لا تحجين لا تسوين

خبلني ردت اكوم اطرده شكد مانرفزني اني بيا حال ودفان يغمزلي

اخر شي رحت يم نار كعدت ودنكت احسلي ماناقصين فضايح بنص مستشفى

✨✨✨✨✨✨
نار :دخلت مستشفى انصدمت بوجود حسين وحيدر رحت لغرفه رغم هاي سنين بس احس وكفتنا سوه اني وحيدر وسجاد وهاله غلط

وتفاجئت من عرفت سبب وجودهم هنا وبنفس وقت فرحت تستاهل شغف تفرح شويه بحياتها

من فقدت الوعي حسيت روحي جاي تطلع ماتحمل يصير عليها شي حتى لو خدش صغير مو مرض ياكل بيها اكل

بقت بل مستشفى وحسين ماقبل يروح ولا يتحرك من مكانه حد ماتكعد

الكل منتظرها بره محد قبل يتحرك ننتظر تكعد بس ماما اقترحت انو نرجع للبيت ونجيب شي تلبسه ومكياج حتى من تعقد ياخذون صور وماتحس بفرق عن باقي بنات