اعزاز الروح

بارت السادس

#اعزاز الروح

الكاتبه يميم

كعصفور مرَّ وقتٌ طويل علىٰ اخر مرة حاول بها الطيران ، اليوم وحينَ اشتدت أجنحته ، قرر البقاء في القفص

✨✨✨✨✨

ار:طلعهم ماريد أحد اريد ابقى وحدي حباب

طلعهم محمد وطلع ويلهم بقيت وحدي قفلت باب واني افكر بحياتي جايه معقوله تكون مثل هسه كلها حزن وتعب يو تكون كلها فرح وراحه ....

‏أنت تعتقد أنك إذا فعلت فوق اللازم ستنال التقدير ، ولكن الحقيقة التي ستفاجئك هي أنك ستتعرّض للإستغلال وبدون شفقة

شغف :انصدمت من عرفت بخطوبة نار ماتوقعت راح توافق ..وصدمني أكثر رد فعلها ..حسيتها مجبوره مغصوبه ..جانت عباره عن انثى مجروحه مكسوره مذبوحه

وانتهى هذا موضوع بنهيارها شفت صدمه بوجه اهلي ..اصلا زين من عدها من صبرت حد هسه بعد ماحاربوها نفسياً..

نزلت عدهم ماكدرت ابقى ساكته واني اشوف اختي وصديقتي وأمي ايي امي هي تعبت عليه وجانت دائما توظف بصفي وساعدني مافديوم احتاجيت الها وماجانت موجوده.. جانت تملك حنان الام حنيتها ماكو منها وصدقها وبرائتها جان غير طبيعي ..بس مع اسف بسبب هاي صفات هواي استغلوها اولهم اهلي ...

رحت لغرفتهم مالكيتهم سمعت صوت من غرفة هاله جانت وحيده غرفتها جوه لن اهلي يخافون عليها هواي وهي أصغر وحده بينا سمعت اهلي يرزولها هه هم زين طلع من عدهم شي

ماسكتو مثل عاده ..يمكن وضع نار سبب حسو شويه انو ماعرفو يربون صح ..دخلت عليهم وانصدمو بيه شفت دموع هاله جانت دموعها غاليه علينا وخاصه نار كلشي ولا هاله تبجي ..

شغف:هه تبجين طلع عندج احساس وكلب

ام نار:كافي شغف روحي لغرفتج بسرعه

شغف:مااروح ماتردون سمعون حقيقه موو ماتردين اكلج انتي وبابا غلط وكفتو وياه هاله ..ماتردين سمعين انج ماعرفتي تربين ..ماتردين اكلج انتو وبنتكم استغليتو اختي ..

ماحسيت غير على ايد بابا وهي تنزل على خدي جان اول مره يمد ايده عليه ..وشهكت امي وهاله متفاجئين ..

ابو نار:ولا كلمه واكفه كدامنا بكل صلافه وتحجين بصوت عالي كل جايي اسوي لمصلحتجن مفهوم يله على غرفتج

شغف:باوعت بنظره عليهم جانت كافيه تخليهم ساكتين نظره عتب وحقد عفتهم وطلعت رحت لغرفت نار

دكيت باب شويه وفتحتها جانت تسمع اغنيه لسه اذكرها فتحت باب وراحت للجربايه مالتها جان بصف جربايه شباج دائما من ضوج تبقى تباوع منه صيف شتاء مو مهم عدها مهم تفتح شباج وتبقى تباوع صافنه ..صوت اغنيه لسه يرن بااذني