اعزاز الروح

البارت العاشر

#اعزاز الروح

الكاتبه يميم

- ومثل كل الأشياء الجميله عندما تأتي في غير وقتها
‏تأتين انتِ متأخره و مكسوره
‏فأحاول أن أواسيكِ من جديد
‏بالكلام أحيانا و بالدموع كثيراً
‏بالشعر و أوراق الجرائد
‏لأجلس بجانبكِ في نهايه الأمر
‏صامت
‏مكتفي بأن لدينا أشياء كثيره نحبها معا
‏أشياء أكثر ثباتاً من هذا العالم .

✨✨✨✨✨✨
نار:صعدوني لغرفتي بقت شغف يمي تمسح على أيدي بكل حنيه وهدوء ..مشاعري مخربطه خوف توتر ولي زاد موضوع سوء ..وجود حيدر جان اكثر شي صعب صار وياي يوم ..شويه ودخل سجاد وراحت شغف وفرغ بيت بقينا بس احنه..

تقرب مني ولزم ايدي بسرعه سحبتها ..مادري ليش سويت هيج

سجاد:لا تخافين شبيج

نار:مابيه شي

سجاد:كومي بدلي حتى نصلي ونتعشى

نار:من كال هيج احس دم رجع لوجهي كمت بسرعه للحمام نزعت بدله ولبست تراك استحي اللبس هذني محضريهن الي ..غسلت وجهي ولميت شعري وطلعت وبدله بيدي جان سجاد مبدل وكاعد من شافني ابتسم ودار وجه..ضجت يمكن ضاج من لبسي بس هذا شي طبيعي مااكدر اللبس هيج شي وخاصه اول يوم استحي

صلينا وتعشينا جبرت نفسي اكل حتى مايضوج وراها نزلت صينيه وضميت اكل وصعدت ..واني وياه كل خطوه يزيد خوفي ..دخلت للغرفه جان متمدد دخلت بخطوات بطيئه وصلت للجربايه وكعدت بطرف صافنه ..خايفه

سجاد:نار

نار:ها

سجاد:لا تخافين مني تره مو وحش كاعد وياج

نار:ها

سجاد:ههه ماعندج غير ها كومي كومي

نار:وين
اخذني وكفني كدام شباك غرفه

سجاد:اعرفج تحبين توكفين هنا مو صح

نار:شلون عرفت

سجاد:شغف

نار:ها
بقيت ساكته اباوع من شباك بهدوء تام

سجاد:خلينه نكون اصدقاء

نار:اصدقاء؟

سجاد:ايي اعتبريني صديقج واخوج وابوج اي شي تردي اكون الج ..وعد مني ماتقربلج غير ماتكوني راضيه وجاهزه جسديا ونفسيا من تعتبريني زوج وحبيبي ..مستحيل اجبرج واني اعرف انتي مجبوره وياريت يجي يوم وتحجين الي حقيقه لي وصلتج لهنا ..كليتج تكمليها مستحيل امنعج عن حلمج ..كلشي صار بل ماضي ماراح احاسبج عليه ..هسه اريدج ترتاحين وتصرفين طبيعي حتى نكدر نعيش ونكمل ..ماريد أحد يعرف بهذا كلام خلي اول سر بينا

نار:كلامه فرحني كلش هم ونزاح ..اني جنت محتاجه هذا وقت وشخص متفهم حتى اكدر اعيش صح مااكدر انسى بس اكدر اكمل واجاوزج صار وياي