#اعزاز الروح
الكاتبه يميم
ـ ماذا يفعل الغياب؟
ـ لا شيـئ؛فقط يأخذ منا من لا نستطيع نسيانهم
ـ ويقـول بوقاحة إن كنتـم قادرين
إستمـروا في الحيـاة بدونهـم💔
✨✨✨✨✨✨✨
نار:دكو عليه باب علمود اروح للصالون واني رفضت وبقيت بغرفتي وجهزت نفسي جان كلشي بلا روح ولا معنى باهت ..هي هاي تزوج مجبوره وخاصه اذا كلبها مو الها ..ماقبلت احد يدخل غرفتي غير شغف خلصت تجهيز وبقيت كاعده وحدي شوفي واندكت باب ودخلت شغف وياه اخر شخص ممكن اتوقع أشوفه بهذا يوم ..ام حيدر بلحظتها تمنيت كاع تنشك وتبلعني ردت اختفي ..خايفه متوتره مااريد اواجه اي شخص من طرف حيدر ..دخلت الغرفه وطلعت شغف وسدت باب وراها ..جانت عيوني تروح على اي شي بل غرفه ماعدا عليها ..يمكن خفت من كلام راح اسمعه ومن تاثيره عليه ..بقينه ساكتين حد ماحجت هي
ام حيدر:شكلج مجبوره مو شكل وحده راضيه كليلي اني مثل امج شصار واساعدج
نار:دنكت ماجاوبتها
ام حيدر:حيدر مضوجج كليلي اني أحاجي واخلي يجي يبوس راسج بس لا تكسري هاي كسره ..ابني حاط كل امله يمج باني عليج احلام هواي
نار:نزلت دموعي
خاله خلي ينساني بعد ماافيده اني
ام حيدر:كليلي شصار واساعدج
نار:بوقتها فكرت الف مره قبل مااحجي ..اخر شي قررت احجي كلشي الها ماعدا موضوع هاله ماكدرت انطي بااختي شفت صدمه ملامحها
ام حيدر:بنتي امشي وياي وبس يجي حيدر يعقد عليج هذا زواج باطل ماطول انتي ماقابله واختج اكيد ماترضى تضحين بحياتج علمودها ..تعاي وياي لا تخسرين نفسج وتخسرين حيدر وياج
نار:مااكدر ليش محد يفهمني مااكدررر ..رغم كلشي صار مااكدر اجيب فضيحه اهلي ..اخويه مايستاهل شغف ماتتستاهل ..حيدر راح ينساني من يسمع عفته واختارت غيره راح ينساني من يعرف انو حبه بكلبي انتهى وجان حب مراهقه راح ينساني من يشوفني صرت غيره راح ينسانييي ويكرهني ..راح يلكه بنيه تناسبه وتحبه حيدر يستاهل كل خير وسعاده يستاهل يعيش مرتاح وياه وحده تحبه
اني بعد ماافيده اهلي دمروني ودمرو نفسيتي ..لا شوفيني واكفه كدامج بطولي بس بل حقيقه اني ميته ..ماراح اكدر أسعده ياريت زمن يرجع جنت ماخليته يحبني من اول يمكن راح اذي واجرحه ..بس احسن ماا اذبحه كل يوم هو عايش وياه وحده ميته
الي أريده منج خلي يكرهني ولا تكلي على سوه اهلي ..اترجاج
كعدت بل كاع منهاره صعبه عليه اصير غيره وأصعب انو اصير اله ...
ام حيدر:كومي بنتي كومي ربي يريح كلبج ويسعدج ويكفي نار حيدر وينسى
نار:خلي يبريلي ذمه ادري ماراح ارتاح طول حياتي بس صدكيني حاولت ابقى اله حاولت
أنت تقرأ
اعزاز الروح
Romanceوهل كان علي أن أدفع ثمن كل هذا ؟ ثمن هذا الوضوح ؟ وبأنني كنت مجرد شخص يحمل شعـور حقيقي تجاه كل شيء ، وفاشل بالتظاهر عكس ما يبدو ! "
