جنوبية برت بحالي و لا أدري وين ديرتها و كل ما أسأل من وين إنتي تجاوبني جنوبية

البارت العاشر و الحادي عشر

#رواية_جنوبية_برت_حالي_و_لا_أدري_وين_ديرتها_و_كل_ما_أسأل_من_وين_إنتي_تجاوبني_جنوبية

لا تنسو لايك و كومنت حلو مثلكم

البارت العاشر

خزامى/

وراسها بحضن أمها على غير عادتها هادية

والكل ملاحظ من بعد رجعتها من الرياض

وهي متغيره حيل وتحس بضيق بصدرها

خاصة كلمة اخو أميرة باقي تحسها

مثل النار في قلبها ماقدرت تنساها

ناظرت اخواتها اللي مجتمعين ويسولفون.

عدلت من نفسها بحضن أمها تناظر وجها

اخذت يدها وهي تبوسها وحطتها على وجها

وهي تشم ريحة أمها المميزة قالت يمه بدون

ماترفع يد أمها عن وجها .

أمها بنبرة كلها حب ياروح أمش وعقلها.

خزامى /يمه تدرين أني احبش واني اضيع

من دونش.!

الأم عايشة/وهي تحس بتغير خزامى من جت

من الرياض وكانت حاسة ان فيها شي

اول مره تخليها تروح وحدها وندمت انها ماراحت معها.

بنبرة كلها خوف /خزامى اصدقي معي من جيتي

من الرياض وانت متغيرة احد تحرش فيش ضايقش

خزامى /من سمعت كلام امها تعدلت وجلست وهي تبكي

وتشاهق بقوة كأنها طفلة وهي معروف ان شخصيتها

قوية .وبضعف يمه ليش أنا ماعندي أب ليش يمه

ماعندي اخوان ولا عم ولا شي يمه أنا مابغى فلوس

ولا شهرة احتاج ابوي يمه احتاج لو مره انادي

أبوي احتاج اخ يمه يخاف علي ويهتم

يمه احس اني بلا سند بلا ظهر

يمه تذكرين اعلان الxxxx اللي قلت لش عنه

xxxx ابو اميرة كان اخوانها وابوها موجودين

وسألت عنها قال اخوها بنات الشيوخ وبنات

الحمايل مايوقفون في الشوراع

يمه قدرتي تصيرين لنا كل شي.

إلا انش تصيرين لنا آب ليه.

وهي تشد على كتف أمها انفجارها ذا

جاء كله بسبب كلمة قالها رجل

ماكانت كلمة عابرة كلمة استقرت في قلبها قبل عقلها

يمه انا اتعذب يمه انا حتى مااعرف ابوي

حتى الصور اللي عندنا ماهي واضحة يمه