Billet_doux(Completed)

5

​ရှောင်းကျန့်က အခု အလုပ်ဆိုက်ထဲမှာ။ မျက်နှာက သုန်မှုန်​နေတာပဲ။ ​ဘေးမှာ​တော့ ဝမ်ရိ​ပေါ်။ ဒီဝမ်ရိ​ပေါ်က တကယ်ပဲ ဘာဖြစ်ချင်​နေသလဲ မသိပါဘူး။ ​ရှောင်းကျန့်ကို ဘလိုင်းကြီး မုန်းပါတယ်၊ ကြည့်မရပါဘူးလို့ ​ရန်စတာလည်းသူ၊ ​ရှောင်းကျန့်အ​နောက် တ​ကောက်​ကောက်လိုက်​နေတာလည်း သူပါပဲ။

ဒီ​နေ့မနက်လည်း မနက်စာ ထမင်းစားဝိုင်းမှာ ​ရှောင်းကျန့်အခုဦးစီး​နေတဲ့Mallဖွင့်ဖို့ ရည်ရွယ်ထားတဲ့ Constructionကို လိုက်​လေ့ချင်ပါတယ်တဲ့။ ပါပါးတို့​ရှေ့မှာ ခွင့်​တောင်း​တော့ မငြင်းနိုင်ပဲ လိုက်ခဲ့ဖို့ ခွင့်ပြုရတယ်။

" ဝမ်ရိ​ပေါ် ​လေ့လာချင်ရင် ​မန်​နေဂျာ ထည့်​ပေးလိုက်မှာမို့ ငါ့​နောက်မလိုက်လည်းရတယ်။ ငါက အ​ပေါ်ထပ်​တွေ သွားကြည့်ဦးမှာမို့။ "

" သွား​လေ ... ကျွန်​တော်လည်း ကြည့်ရတာ​ပေါ့။ ခင်ဗျားက ဘာဖြစ်​နေတာလဲ။ ကျွန်​တော်လိုက်လာလည်း ခင်ဗျားထမ်းပိုးထားရတာမှ မဟုတ်တာ။ ကိုယ့်​ခြေ​ထောက်နဲ့ ကိုယ်​လျှောက်တာ အ​နေသာကြီးကို။ "

ယာယီ​လှေကားက​နေ အ​ပေါ်တက်​နေရင်းမှ ​​ရှောင်းကျန့်က ရိ​ပေါ်ကို လှည့်ကြည့်ကာ ဂြိုလ်ကြည့်ကြည့်သည်။ ရိ​ပေါ်က ပြုံး​ယောင်သမ်း​နေရင်း ​ရှောင်းကျန့်ကို ရုတ်တရက်​ငေး​မောပြီးမှ ခဏကြာ​တော့ ​ဘေးဖက် လှည့်သွားသည်။

အ​နောက်က လိုက်လာတဲ့ ရိ​ပေါ်က ​ရှောင်းကျန့် ဒုတိယထပ်​ရောက်သွားလို့ ပြန်လှည့်ကြည့်​တော့ ပါမလာ​ပေ။ ​​ရှောင်းကျန့် အောက်ဘက်ကို ခါးကိုင်းကြည့်လိုက်မှ ဖြည်းဖြည်းချင်း တက်လာ​နေသည်။

" ငါလမ်း​လျှောက်တာ အဲ့​လောက်မြန်လို့လား။ "

အ​ပေါ်ထပ်မှာလည်း အခန်းဖွဲ့စည်းပုံ​​တွေ လုပ်ကိုင်​နေတဲ့ အလုပ်သမား​တွေအပြည့်ပဲ။စက်သံ​တွေနဲ့မို့ စကား​ပြောရင် ​အော်​ပြောရမယ့် အ​နေအထား။ ရိ​ပေါ်လည်း သူ့ဖာသာ ​လေ့လာ​နေတာမို့ ​ရှောင်းကျန့်က တွဲဖက်မန်​​နေဂျာကို ​ခေါ်ပြီး ခပ်လှမ်းလှမ်းမှာ စကား​​ပြော​နေလိုက်သည်။