Unicode Version
အရှေ့တည့်တည့်ကိုရောက်လာတဲ့အစ်မဂျီဆူး
ကို့ယ်လက်ဖဝါးထဲကိုထိုးထည့်လိုက်တဲ့
ပစ္စည်းလေးကိုကြည့်ပြီးအံ့သြနေမိတာက
အစ်မကဘာစကားမှအရင်ထွက်မလာသေးပဲ
နှုတ်ခမ်းထက်ပြုံးမြဲသာပြုံးခိုနေလို့ ။
" အစ်မ ဒီပစ္စည်းကဘာလေးလဲဟင် "
" အဲ့ဒီ့မှာခလုတ်သေးသေးလေးပါတယ်
ဂျန်းကိုယ်တိုင်နှိပ်ကြည့်လိုက်ပါလား "
ဂျန်းနီလည်းဂျီဆူးပြောတဲ့အတိုင်းခလုတ်လေးကို
လက်မလေးနဲ့ ဖိခနဲနှိပ်ကြည့်လိုက်တော့
ထွက်ပေါ်လာတဲ့လူနှစ်ယောက်ရဲ့စကားသံတွေ ။
ချယ်ယောင်းနဲ့ကောင်မလေးတစ်ယောက်ရဲ့
အာလေးလျှာလေး စကားသံတွေ ။
" အော် ဒါဆို တကယ်တမ်းကျတော့
အဲ့နေ့က နင်နဲ့လာလီဆာ
ဘာဆိုဘာမှမဖြစ်ခဲ့ဘူးပေါ့ "
" ဘာမှမဖြစ်ခဲ့ပါဘူးပါဆို နင့်ကိုဘယ်နှစ်ခါ
ပြောရမလဲ ပတ်ချယ်ယောင်းရယ်
တကယ်တော့ ဒါလင်အခုတွဲနေတဲ့အစ်မရဲ့
အရင်ဘဲဆိုတဲ့လူကြီးကသူနဲ့ပူးပေါင်းဖို့
ကမ်းလှမ်းလာလို့သာအကုန်လက်ဝါးရိုက်ပြီး
သေချာအကွက်တကျစီစဥ်လိုက်ရတာ
အခုလိုလုပ်ပြီးသွားတော့လည်းဒါလင့်အတွက်
ငါစိတ်မကောင်းဖြစ်မိသွားတာတော့အမှန်ပဲဟ
ဟူး ! အရက်သောက်လို့မူးနေရတဲ့ကြားထဲ
နင့်ကိုထပ်ခါထပ်ခါရှင်းပြရတာကတစ်လုပ်
ငါအတော်မောလာပြီ ရှဥ့်ပေါက်စုတ်ရေ "
" အေးပါ နင်အရမ်းမူးနေတယ်ဆိုလည်း
အိမ်ကို ငါသေချာပြန်လိုက်ပို့ပေးပါ့မယ်
ဒါနဲ့သေချာပြောပြပေးလို့ ကျေးဇူးနော် "
အသံဖမ်းစက်ထဲကစကားသံတွေအဆုံးမှာတော့
ဂျန်းနီလက်ဖျားခြေဖျားတွေအေးစက်သွားသလို
မျက်ဝန်းအိမ်ထဲ မျက်ရည်စတွေဝဲလျှံဖြစ်တည်
လာတာကလည်း
အဲ့ဒီနေ့ကပါးရိုက်ခဲ့မိလို့ဝမ်းနည်းပူဆွေးသွားတဲ့
လာလီဆာ့ရဲ့သနားဖွယ်မျက်နှာပုံရိပ်လေးကို
မျက်လုံးထဲ တစ်ကျော့ပြန်မြင်ယောင်လာစေလို့ ။
အို ကျွန်မအရမ်းမှားသွားခဲ့တာပါလားနော်......
မောင်သနားပါတယ် အဲ့ဒီ့နေ့ကဆိုရင်လေ
မောင့်မျက်နှာနုနုမှာ ကျွန်မတံဆိပ်ခတ်လိုက်တဲ့ လက်ဖဝါးအရာဟာ ပူပူနွေးနွေးနီရဲနေလို့ ။
YOU ARE READING
Bad Guy For Love ( Completed )
FanfictionStraight ကောင်မလေး ကို ခပ်ဆိုးဆိုး Tachi ကောင်မလေး က အရူးအမူး ချစ်မိသွားတဲ့ အခါ မှာတော့ အချစ် လူဆိုးမလေး အဖြစ်သို့ ရောက်သွားပါတော့တယ် ❤️ Straight ေကာင္မေလး ကို ခပ္ဆိုးဆိုး Tachi ေကာင္မေလး က အ႐ူးအမူး ခ်စ္မိသြားတဲ့ အခါ မွာေတာ့ အခ်စ္ လူဆိုးမေလး အျဖစ္...
