Unicode Version
မင်္ဂလာဆောင်အတွက် ခန်းဝင်ပစ္စည်းတွေ
သွားဝယ်ပြီးတာနဲ့ ကော်ဖီဆိုင်တစ်ဆိုင်မှာ
မျက်နှာချင်းဆိုင်မောင်နဲ့နှစ်ယောက်အတူတူ
ကော်ဖီထိုင်သောက်ရင်း မောင့်မျက်နှာလေးကို
ချစ်လွန်းလို့ငေးနေမိတာကလည်းအရူးလိုမျိုးပဲ ။
မှတ်မိပါသေးရဲ့မောင်နဲ့ကော်ဖီဆိုင်စစထိုင်
တဲ့နေ့တုန်းကလေ မောင်ကကျွန်မရဲ့ခွက်ထဲက
ကော်ဖီရည်တွေကိုမြန်မြန်အေးသွားအောင်လို့
သူ့နှုတ်ခမ်းလေးတွေနဲ့ မှုတ်ပေးခဲ့တာတွေ။
အဲ့တုန်းက မောင့်လိုလူဆိုးတစ်ယောက်ရဲ့
ကြင်နာမှုတွေကပဲ ကျွန်မနှလုံးသားလေး
အရှိုက်တည့်တည့်ကိုထိမှန်သွားတယ်ဆိုပါတော့။
အခုလည်းမောင်ကအဲ့လိုပြုမူလာပြန်တော့
စားပွဲခုံပေါ်မေးထောက်ပြီးပြုံးပြုံးကြီးငေးကြည့်
နေမိတာကလည်း သိပ်ကိုရင်ထဲကြည်နူးနေမိလို့ ။
မောင်မှုတ်ပေးလို့အေးသွားတဲ့ကော်ဖီလေးကို
လျှာဖျားပေါ်တင်လိုက်တော့ ခါးသက်သက်
အရသာလေးရသွားတာမို့ အနည်းငယ်တော့
မျက်မှောင်ကုတ်မိလိုက်လေတယ် ။
" ဘာဖြစ်လို့လဲမမ ပူသေးလို့လား "
" ဘာမှမဖြစ်ပါဘူးမောင်ရဲ့ လျှာပေါ်
နည်းနည်းခါးသက်သက်ဖြစ်သွားလို့ပါ ဟီး "
သွားသေးသေးလေးပေါ်လာတဲ့အထိပြုံးဖြီးပြီး
ပြောလိုက်တော့အလိုက်သိတတ်လွန်းသူမောင်က
မျက်ခုံးပင့်ပြီးမေးခွန်းတစ်ခုထုတ်လာလေတယ်။
" ခါးတယ်ဆို နို့ဆီထုပ်ဖြစ်ဖြစ်
သကြားထုပ်ဖြစ်ဖြစ်
ထပ်မှာပေးရမလား မမ "
" အို ! ရတယ်မောင် မမှာနဲ့တော့
မောင့်မျက်နှာချိုချိုလေးကိုပဲတစိမ့်စိမ့်
ကြည့်ပြီးဒီတိုင်းဆက်သောက်လိုက်တော့မယ်
မောင်သိလား မောင့်မျက်နှာလေးက
ခါးတဲ့အရသာကိုတောင် ချိုမြတဲ့အရသာ
ဖြစ်လာနိုင်အောင်စွမ်းဆောင်နိုင်တယ်ဆိုတာလေ"
ချွဲတဲ့တဲ့လေသံနဲ့ပြောလိုက်တော့ မောင်က
သူ့ပါးစပ်ကိုလက်ချောင်းလေးတွေနဲ့အုပ်ပြီး
အပြစ်ကင်းစင်တဲ့ကလေးငယ်လေးတစ်ဦးကဲ့သို့
ရယ်မောနေတာကြောင့်အနည်းငယ်ရှက်မိသွားလို့
မျက်စိရှေ့ကကော်ဖီခွက်ကို လက်နဲ့ကိုင်ကာ
ခပ်မြန်မြန်လေး မော့ချသောက်မိလိုက်တယ် ။
CITEȘTI
Bad Guy For Love ( Completed )
FanfictionStraight ကောင်မလေး ကို ခပ်ဆိုးဆိုး Tachi ကောင်မလေး က အရူးအမူး ချစ်မိသွားတဲ့ အခါ မှာတော့ အချစ် လူဆိုးမလေး အဖြစ်သို့ ရောက်သွားပါတော့တယ် ❤️ Straight ေကာင္မေလး ကို ခပ္ဆိုးဆိုး Tachi ေကာင္မေလး က အ႐ူးအမူး ခ်စ္မိသြားတဲ့ အခါ မွာေတာ့ အခ်စ္ လူဆိုးမေလး အျဖစ္...
