#خذني_بعيدا
#الكاتبةورودالخالدي
البارت٢
اسمهان:::
من سمعني كتله :
انت..مو اكرم ابو المجمع..
بقه يكح شويه بعدين كلي:
طلعتي تعرفيني ؟
اي اعرفك
بس اني مشايفج ولا اعرفج شلون عرفتيني؟؟
شنو شلون عرفتك غير انت ابو المجمع الي بالركن ..طبعا كل الناس تعرفك او معظهم صح اني شفتك بس مره وحده بس اعرفك!
ها شايفتني مرة وحده وتعرفيني بالاسم اصلا مركزتي بملامحي مباشرة عرفتيني؟؟!
شوف العام قبل العيد مال رمضان اني وماما جينا للمجمع اشترتلي نفنوف للعيد من يمكم صح احنا متعاملنا وياك يعني العاملات الي بالمجمع هنه الي تعاملن ويانه بس اني شفتك كاعد ع الميز تحاسب البنات الي ديشترن ؟
اشو هذا ابتسم وضل مره يباوع بعيوني ومره ع ستوتاتي وكلي:
حيل من العام شايفتني وتتذكريني بعدين قبل العيد محلي ازدحام شلون حفظتي شكلي..واسمي هم
اكولك شنو انت الحرامي لو اني؟ اشو دتحقق ويايه اكيد احفظ شكلك لان اني ما اطلع هوايه يعني نادرا ما اطلع اشتري شي ومن طلعت قبل العيد شفتك وبقه شكلك ابالي وبعدين شغلة الاسم مو فد معضلة هو مجمعك مكتوب عليه مجمع اكرم وانت بيه يعني اكيد انت اكرم
هااا..يعني انتي ذاكرتج قويه خلي نكول ذاكرة مو عاديه..وع كلامج انتي حافظة اشكال واسماء كل شباب المنطقة؟؟
شنو قصدك؟
ماكو شيء بس كلامي استنتاج طبيعي؟؟
اكولك ..اشو انت تريد تسولف مدري تشمر عليه فستقيات وفزلكات ..تره اني محافظة كل شكولات المنطقه اصلا من شلنا لهنا يعني تحديدا من قبل سنه اني لاطالعة ولا اعرف احد يمكن مره رحت لمجمعك ومرتين ويه ماما للسوك ومره للمستشفى ع مود بيبي بعد سويتني رام وذاكرة عشوائية حافظة كل شكولات الشباب..وكاعد تحقق ويايه..
هااا..يعني صارلكم سنه من سكنتو هنا..لعد وين جنتو ساكنين قبل؟؟
عجيب امرك وانت شعليك..تسأل
رجع يكح..كتله
شبيك تكحكح نصي صوتك اله تكعد اهلي..
حسيته كطع الكحة مالته بالكوه استغليت فرصه هو ساكت كتله:
يعني عندك مجمع وزنكيل والله رازقك..وحرامي شتريد بعد من رب العالمين..واني اكول ذوله الزناكيل منين يلمون فلوس هالكد وعدهم املاك وسيارات ومحلات يمكن كولهم حرامية مثلك
اشو هذا بسرعة جرني حيل هيج نتل مو جره طبيعيه من ستوتي وكلي:
لج اني مو حرامي
