#خذني_بعيدا
#الكاتبةورودالخالدي
البارت٧
اكرم:::
ومرت الايام وعذابي يزيد اكثر ولان معندي حل وحاير بين الواقع وبين مشاعري تجاهه بقيت ساكت بس اباوع بعيوني والحسرات ماخذتني الى ان بيوم من الايام جيت عادي قبل العاملات فتحت المجمع وبس شغلت الكهرباء ضربت المجموعة مال الجوكات وطفه المجمع كله اهوووهاي شلون مشكله اليوم خميس والخميس شغلي بيه خير من الله وما اكدر اعزل الى ان اصلح الكهرباء وبسرعة تذكرت عبد الله الكهربائي دورت رقمه بجهازي ولكيته لان قبل فتره جبته سوة الاناره الخارجية مال المجمع واني اصلا اعرفه من زمان .هو بصراوي بس يشتغل هنا ابغداد هو وابن عمه الي ساكن هنا..على مولدة ضخمه فاتصلت بيه رد:
الو..السلام عليكم
هله بأكرم شذكرك بيه من الصبح.
ههه لك شذكرني غير هالجوكات العطبت؟؟
ها يعني مصلحة..مو اكول متخابرني منها لله؟؟
هسه موزين جايبلك شغل ورزق يله بسرعة تعال:
اي اجي بس انت ترجعني لان سيارة جاسم عاطلة اليوم
عمي اني اوصلك بس بسرعة تعال
وفعلا بسرعة اجه و نصب الدرج وصعد يصلح الكهرباء واثناء مديشتغل جتي اسمهان اول مفاتت وكع الدرنفيس منه وصار يم رجليها هي دنكت شالته وانطتنيا لان واكف بصف الدرج وكالت:
صباح الخير
صباح النور فوتي اسمهان دقايق وتشتغل الاضويه.
وفاتت..جوه..
عبد الله بقت عينه عليها حتى ارتبك وتأخر وهو يصلح بالكهرباء يمكن تعمد لان عيونه عليها وممركز بالوايرات فكتله
عبد الله خلي عيونك براسك لتروح تنتل
حيل ضجت من نظراته بس شسوي قابل اطرده الولد يباوع بعيونه بس..ومن حجيت دار وجهه وبعد ملتفت
ومن خلص صعد وياي اوصله واول محركت كلي:
اكرم..هاي منين البنيه!!
شنو منين عامله عندي؟؟
خرررب هاي عامله لك هاي اميرة لو ملكة موعامله:
عبد الله احترم نفسك. شبيك مهرفل اكلتها اكل ..شهالتصرفات شنو مراهق انت والله لوما اعرفك زين واعرف اخلاقك جان ركعت راسك بالحايط ع هالدكة
اكرم الله عليك خوممتووجة هاي البنيه!
خررب لك شعليك انت شبيك شلغمت عليها تره عيب هالحجي!
ليش عيب اني ادورلي ع بت حلال واريد اكمل نص ديني قابل شكايل اني شنوقابل متحرش بيها وعيب؟؟
متفيدك؟؟
ليش متفيدني يعني متزوجة..مخطوبه هيه!؟؟
لا متزوجة ولامخطوبه بس متفيدك وسد هالموضوع!
