#خذني_بعيدا
#الكاتبةورودالخالدي
البارت١
اكرم:::
لك مناف شنو فص ملح وذاب هسه جان ع القنفه بصفي وبينما شلت الملقط اعدل الجمرات اختفه..!!
يمعود خاف من كمت زرك جوه القنفه دخلي نشيلها
وشلنا القنفة ماكو ..مناف يدورواني مخليت شبر بالكوفي مدورته ..اختفه الموبايل عبالك ايد وشالته ..مو مهم الموبايل المهم الارقام الحافظهن بيه..كل شغلي بيهن واذا ملكيته..منين راح اجيبهن خصوصا هنه محفوظات بالجهاز مو بالشريحة ..اعصابي تلفت واني ادور اخير شي كلت انباك اي جهاز حديث وجديد اكيد انباك ومن حركة كلبي رحت طاير ع ابو الكوفي ولزمته من ياخته:
اسمع لك ..موبايلي هسه يطلع لو اسوي كارثة بالكوفي..مالتك
الولد لزموني هو ضل يصيح:
شنو تريد اطلع سمعه ع الكوفي ع اساس لام الحرامية بيه شمدرينه بموبايلك وين راح..شوف جماعتك يجوز تطلع البوكة عدهم..
مناف راد يضربه كتله:
اوكف مناف عوفه والتفتت عليه:
شغل تسجيلات الكاميرات موهاي الكاميرات دتصور هسه يطلع الي اخذهن!؟
ومنو حضرتك حتى اعيدلك الكاميرات..بعدين الهارد مالهن عاطل يصورن بس اون لاين؟؟
مناف كله:
هاي شلك بيها لعد شكو ناصبهن اذا مابيهن هارد
كتلك عاطل صارله اسبوع وع اساس ابدله باجر؟؟
طبعا هو ميريد يعيد التسجيلات حتى متثبت البوكة بالكوفي وميصير ع الكوفي شبهه كتله
ماشي..حكمت ..الك مهله منا لباجر العصر اذا ميطلع موبايلي ..اتصرف تصرف ميعجبك..
شتريد تسوي سوي ..والله حلوة هاي كل اليضيع موبايلة يجي..يذبه بروسنا..
ركضت عليه خنكته اكام يكح الولد كلهم التمو عليه ويتوسلون بيه عوفه ماعوفه ..وبيش ميطلع كل الي بالكوفي يخسروا...بس عوفه راح يموت بايدك؟؟
ضجت من حجيهم عبالهم اني بحال الجهاز ميدرون شغلي كله متعلق بيه..هديته وكع بالكاع وضل يتنفس بسرعة زمخت بيهم:
شنو اني مجدي وتخسرولي..اني موبحال الجهاز ..بحال الارقام المحفوظة بيه شغلنا كله بهالارقام... همه سكتو مناف مدري شبيه صفن وكلي:
اكرم تعال خلي نطلع منا الباجر الله كريم شفت ملامحة تغيرت لان غمزلي من حجه اول مطلعنه من الكوفي كلي:
اكرم موبايلك شوكت حسيته ماكو قبل جيه عماد لو من اجه وراح؟؟
عماد؟؟
اي عماد صاحبي!!
اي صح عماد جان كاعد يمي بس من التهيت بالنركيله هو طلع من الكوفي
