#خذني_بعيدا
#الكاتبةورودالخالدي
البارت٦
اكرم::
ابتسمت وكالت :
كتلك ماكو داعي اني مجوعانه..بعدين الجو بارد مو مال تروح وتجي
ومن تعرفين الجو بارد ليش مكلتلي فوت عالاقل للمطبخ وبقيتي تسولفين وياي بره ومخليتني كاتلني البرد
ليش بس انت واكف بره وكاتلك البرد ع الاقل انت لابس قمصله هالكدها ودفيان شوفني لابسه بس هالتراك الخفيف واكفه مثل التمثال من البرد
من كالت دفيان ضحكت وكتلها:
اي صح لابس قمصلة بس مدفيان؟؟
لا اشو دفيان لان من جنت لازم ايدي جانت ايدك كولش حارة عبالك صوبه!!!!🤭🤭🤭معناها دفيان!!
هههههه..اني ايدي صوبه..هههههه..هسه عوفج من الدفيان والبردان ..اني ربع ساعة وراجع لتنامين
لا عفيه روح بعد لترجع كتلك الجو بارد!!
من كالت الجو بارد فكرت ..بداخلي اي تخاف عليه تكولي بارده عليك فكتلها:
لتخافين عليه من البرد..يالحنينية ربع ساعة اروح وارجع؟؟
هاي شبيك انت شنو اخاف عليك..بس لا عبالك اني ما اريدك تروح حتى لتبرد؟؟
لعد ليش؟؟
اني ما اريدك تروح لان اذا صعدت لغرفتي ودفيت بعد اتعاجز انزل..وانت ادز رسائل تضل نزلي مانزلي واني بصراحة ما اريد كل شويه ادفه وابرد
خرب يومها شكد صريحة طشتهن بوجهي كولهن خربت ضحك.:
ههههههه...اويلي حايرة بنفسج معندج صاحب صديقك واني كيفت عبالي خايفه عليه من البرد ..ماشي رايح اني
اي احسن
وقبل ما اطلع من الباب التفتت الها..
اسمهان..شيلي الحظر عن رقمي!!
ماشي..
وطلعت من يمهم..رغم حجيها ورغم طشتهن بوجهي وتكولي مخايفة عليك من البرد ..وتفكر بنفسها بس ولا هانت عليه...رحت جبتلها عشه ورجعت وطبعا..كوه حصلت عشه لان معظم المطاعم معزله بس دبرتها ..ومن رجعت لبيتهم كلت ما اخليها تنزل خطيه عبرت من المخزن الوراهم وصعدت الدرج وخليت الاكل يم باب البيتونه ونزلت وخابرتها ..بسرعة شالته:
هااا..اكرم اكو شي؟؟
لا ماكو شي بس الاكل يم باب البيتونه طلعي اخذي واكلي ..
وسديته قبل مترد عليه
اسمهان:::
كعدت الصبح بدلت لبست بلوزة وردي طويلة وبنطرون اسود وسويت شعري ظفيرة صفح طبعا واني ابدل قررت بس اشتغل واستمر بالشغل اجمع واشتري ملابس وكل ملابسي الي اشترتهن الي ماما اخليهن جوه ابوفيه بيبي وبعد ما البسهن..ولبست حذاء كتان اسود ونزلت لكيت ماما بالمطبخ جايبة صمون وريوك ..اول مشافتني كالت:
